പത്തനംതിട്ട: ദേശീയ ജനാധിപത്യ സഖ്യം സ്ഥാനാര്‍ത്ഥി അനില്‍ കെ. ആന്റണിയുടെ തെരഞ്ഞെടുപ്പു പ്രചരണാര്‍ത്ഥം വിദേശകാര്യ സഹമന്ത്രിയും മീനാക്ഷി ലേഖി 13ന് പത്തനംതിട്ടയില്‍ എത്തും.
ശബരിമല വിശ്വാസ സംരക്ഷണപ്പോരാട്ടത്തില്‍ ഭക്തസമൂഹത്തിന്റെ ആശങ്കകള്‍ പാര്‍ലമെന്റില്‍ ആദ്യം അവതരിപ്പിച്ച ബിജെപി നേതാവാണ് മീനാക്ഷി ലേഖി. വിശ്വാസഭൂമിയായ പത്തനംതിട്ടയിലേക്കുള്ള ഈ കേന്ദ്രമന്ത്രിയുടെ വരവിന് അതുകൊണ്ടുതന്നെ രാഷ്‌ട്രീയമാനങ്ങള്‍ ഏറെയാണ്.
അയ്യപ്പഭക്തരുടെ വിശ്വാസ സംരക്ഷണത്തിന് നിയമനിര്‍മ്മാണം വേണമെന്ന് പ്രമുഖ അഭിഭാഷക കൂടിയായ മീനാക്ഷി ലേഖി ആവശ്യപ്പെട്ടത് ദേശീയതലത്തില്‍ ഏറെ ശ്രദ്ധനേടിയിരുന്നു. ലോക്‌സഭയില്‍ ശരണമന്ത്രം മുഴക്കിയാണ് അന്ന് അവര്‍ ഈ ആവശ്യം ഉന്നയിച്ചത്. പ്രചരണയോഗത്തിന്റെ വിശദാംശങ്ങള്‍ വരുംദിവസങ്ങളിലേ വ്യക്തമാകൂ.
