ആറ്റിങ്ങല്‍: ആറ്റിങ്ങല്‍ മണ്ഡലത്തില്‍ അഞ്ചാംഘട്ട പ്രചാരണത്തിലേക്ക് കടന്ന് ബിജെപി-എന്‍ഡിഎ സ്ഥാനാര്‍ത്ഥി വി. മുരളീധരന്. മണ്ഡല പര്യടനത്തിന്റെ ഔദ്യോഗിക ഉദ്ഘാടനം കേന്ദ്ര വിദേശകാര്യ മന്ത്രി ഡോ.എസ്.ജയശങ്കര്‍ നിര്‍വഹിച്ചു. പര്യടന പതാക അദ്ദേഹം വി. മുരളീധരന് കൈമാറി. കഴിവുറ്റ നേതാവായ വി. മുരളീധരനെ ലോക്‌സഭയില്‍ ആവശ്യമുണ്ടെന്നും ആറ്റിങ്ങലിലെ വോട്ടര്‍മാര്‍ പിന്തുണയ്‌ക്കണമെന്നും ഡോ.ജയശങ്കര്‍ അഭ്യര്‍ഥിച്ചു
ബിജെപി ദേശീയ ഉപാധ്യക്ഷന്‍ എ.പി.അബ്ദുള്ളക്കുട്ടി, ബിജെപി സംസ്ഥാന സെക്രട്ടറി അഡ്വ.എസ്. സുരേഷ്, ബിജെപി ജില്ലാ സെക്രട്ടറി മുളയറ രതീഷ്, തമ്പാനൂര്‍ സതീഷ്, ബിജെപി വക്താവ് പാലോട് സന്തോഷ്, ബിജെപി കാട്ടാക്കട മണ്ഡലം പ്രസിഡന്റ് തിരുനെല്ലിയൂര്‍ സുധീഷ് തുടങ്ങിയവര്‍ പങ്കെടുത്തു. പോത്തന്‍കോട് കാഞ്ഞാംപാറ ചിന്താലയ ആശ്രമത്തില്‍ പ്രാര്‍ത്ഥനയോടെയാണ് വി. മുരളീധരന് വെള്ളിയാഴ്ച പ്രചാരണം ആരംഭിച്ചത്.
പ്രശസ്ത സാഹിത്യകാരന്‍ പ്രഫ.ഗോപിനാഥ പിള്ളയെ വീട്ടിലെത്തിക്കണ്ട് അനുഗ്രഹം വാങ്ങി. പൂവച്ചല്‍ പങ്കജകസ്തൂരി യൂണിറ്റിലും വി. മുരളീധരന് സന്ദര്‍ശനം നടത്തി. പദയാത്രകള്‍, കണ്‍വെന്‍ഷനുകള്‍, കൂടിക്കാഴ്ചകള്‍, വികസന ചര്‍ച്ചകള്‍ എന്നിങ്ങനെ നാലുഘട്ടം പ്രചാരണം ബിജെപി-എന്‍ഡിഎ സ്ഥാനാര്‍ഥി പൂര്‍ത്തിയാക്കിയിരുന്നു.
