തിരുവനന്തപുരം: പരീക്ഷയിൽ ഉന്നത വിജയം നേടിയ വിദ്യാർത്ഥി പ്രതിഭകളെ ആദരിക്കാൻ ‘മികവ് 2026’ എന്ന പേരിൽ ജന്മഭൂമി ആറ്റിങ്ങലിൽ സംഘടിപ്പിക്കുന്ന അനുമോദന സദസിന് ആറ്റിങ്ങൽ സൺ ആഡിറ്റോറിയത്തിൽ തുടക്കമായി. കഴക്കൂട്ടം എം എൽ എ വി. മുരളീധരൻ എംഎൽഎ ഉദ്ഘാടനം ചെയ്തു പത്താംക്ലാസ്, പ്ലസ് ടു(സ്‌റ്റേറ്റ്, സിബിഎസ്ഇ, ഐസിഎസ്ഇ) പരീക്ഷകളിൽ എല്ലാ വിഷയങ്ങൾക്കും എ പ്ലസ്, എ 1 ലഭിച്ച വിദ്യാർത്ഥികളെയാണ് അനുമോദിക്കുന്നത്.
അനുമോദന സദസിൽ ജന്മഭൂമി മാനേജിംഗ് ഡയറക്ടർ എം. രാധാകൃഷ്ണൻ ആമുഖഭാഷണവും മുൻ ഡിജിപി ഋഷിരാജ് സിംഗ് മുഖ്യപ്രഭാഷണവും നിർവഹിച്ചു . തേവലക്കാട് എസ്എൻയുപിഎസ് മാനേജർ ഡോ. തോട്ടയ്‌ക്കാട് ശശി അധ്യക്ഷനായി. ആറ്റിങ്ങൽ അമർ ഹോസ്പിറ്റൽ എംഡി ഡോ. പി. രാധാകൃഷ്ണൻ നായർ, ആർഎസ് എസ് ആറ്റിങ്ങൽ സംഘചാലക് അഡ്വ. ജി. സുശീലൻ, മുദാക്കൽ ഗ്രാമപഞ്ചായത് പ്രസിഡന്റ് വി ഷൈനി , ബിജെപി സ്ഥാന ജനറൽ സെക്രട്ടറി അഡ്വ. പി. സുധീർ, നഗരസഭാ കൗൺസിലർ സന്തോഷ്‌കുമാർ, മുദാക്കൽ പഞ്ചായത്ത് മെമ്പർ സജു തുടങ്ങിയവർ സംസാരിച്ചു . തുടർന്ന് ഉന്നത വിജയം നേടിയ വിദ്യാർത്ഥികളെ വിശിഷ്ടാതിഥികൾ ആദരിക്കും. പ്രതിഭകൾക്ക് മെമന്റോയും സർട്ടിഫിക്കറ്റും സമ്മാനിച്ചു. ആറ്റിങ്ങൽ മേഖലയിലെ ആയിരത്തോടെ വിദ്യാർത്ഥികൾ അനുമോദനം ഏറ്റുവാങ്ങി.
