കോട്ടയം: പ്രസവിച്ചകുഞ്ഞിനെ കൊന്ന് പൊട്ടക്കിണറ്റില് തള്ളിയ കേസില് അറസ്റ്റിലായപ്പോള് ജാമ്യമെടുത്ത് മുങ്ങിയ സ്ത്രീ 18 വര്ഷങ്ങള്ക്കു ശേഷം അറസ്റ്റിലായി. പൊന്കുന്നം കുടക്കാമല ഭാഗത്ത് വയലിപ്പറമ്പില് ഓമനയെയാണ് (കുഞ്ഞുമോള്, 57) പൊന്കുന്നം പോലീസ് അറസ്റ്റ് ചെയ്തത്. കൊലപ്പെടുത്തിയ ശേഷം മൃതദേഹം പ്ലാസ്റ്റിക് കവറിലാക്കി സമീപത്തെ പുരയിടത്തിലുള്ള ഉപയോഗശൂന്യമായ
കിണറ്റില് തള്ളുകയായിരുന്നു. ഓമനയ്ക്ക് 39 വയസുള്ളപ്പോള് 2004 ലാണ് സംഭവം. കൊലപാതക കേസില് അറസ്റ്റിലായെങ്കിലും കോടതിയില് നിന്ന് ജാമ്യം ലഭിച്ചതോടെ ഇവര് ഒളിവില് പോവുകയായിരുന്നു. തിരുപ്പതിയിലാണ് ഇവര് ഒളിവില് കഴിഞ്ഞുപോന്നതെന്ന് പോലീസ് പറഞ്ഞു. എസ്.എച്ച്.ഒ. ടി.ദിലീഷ്, എസ്. ഐ മാരായ മാഹിന് സലിം, ദിലീപ് കുമാര് തുടങ്ങിയവര് ചേര്ന്നാണ് തിരുപ്പതിയില് നിന്ന് ഇവരെ അറസ്റ്റ് ചെയ്തു കൊണ്ടുവന്നത്.
കോടതി ഓമനയെ റിമാന്ഡ് ചെയ്തു
