രാജ്യത്തെ തന്നെ ഏറ്റവും വലിയ ഐടി സേവന കമ്പനിയായ ടാറ്റ കൺസൾട്ടൻസി സർവീസസ് നിരവധി തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. പുതുമുഖങ്ങൾക്കാണ് അവസരം. ഏപ്രിൽ 10-വരെയാണ് അപേക്ഷിക്കാനാകുക. ആപ്ലിക്കേഷൻ വിൻഡോയിൽ ഫ്രഷേഴ്സിന് അപേക്ഷിക്കാവുന്നതാണ്. ബിരുദധാരികൾക്കാണ് അവസരം.ഏപ്രിൽ 26-ന് ടെസ്റ്റുകൾ നടക്കും.
2024-ലെ ബിടെക്, ബിഇ, എംസിഎ, എംഎസ്സി, എംഎസ് ബാച്ചുകളിൽ നിന്നുള്ള ഉദ്യോഗാർത്ഥികൾക്ക് അപേക്ഷിക്കാവുന്നതാണ്. ടിസിഎസ് നിൻജ, ഡിജിറ്റൽ, പ്രൈം എന്നീ മൂന്ന് വിഭാഗങ്ങളിലേക്കാണ് നിയമനം. നിൻജ വിഭാഗം തസ്തികകളിൽ പ്രതിവർഷം 3.36 ലക്ഷം രൂപയുടെ പാക്കേജ് ആണ് കമ്പനി വാഗ്ദാനം ചെയ്യുന്നത്. ഡിജിറ്റൽ, പ്രൈം വിഭാഗങ്ങളിൽ പ്രതിവർഷം ഏഴ് ലക്ഷം രൂപയും 9-11.5 ലക്ഷം രൂപ വരെയും ശമ്പളം ലഭിക്കും.
