തൃശൂര്: തൃശൂരില് മല്സരിക്കുന്ന സുരേഷ് ഗോപി മാനുഷിക മൂല്യങ്ങളുടെ പ്രചാരകനാണെന്ന് ബിജെപി ദേശീയ നിര്വാഹകസമിതിയംഗം കുമ്മനം രാജശേഖരന് പറഞ്ഞു. പുതുക്കാട് തിരഞ്ഞെടുപ്പു കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം.
സുരേഷ് ഗോപി മല്സരിക്കുന്നത് ജയിക്കാനാണ്. അല്ലാതെ കെ. മുരളീധരന് പറയുന്നത് പോലെ ആരെയും തോല്പ്പിക്കാനല്ല. തന്നെ നേമത്ത് തോല്പ്പിച്ചത് ശിവന്കുട്ടിയാണ് എന്നാണ് ഇതുവരെ ധരിച്ചത്. കെ. മുരളീധരന് ഇപ്പോള് പറയുന്നത് തന്നെ തോല്പ്പിച്ചത് അദ്ദേഹമാണ് എന്നാണ്. തൃശൂരിലെ ജനങ്ങള് ഇത് തിരിച്ചറിയും. തൃശൂരിന്റെ സമഗ്ര വികസനത്തിന് സുരേഷ് ഗോപി ജയിക്കണം. അദ്ദേഹം പറഞ്ഞു.
