വൃന്ദാവന്‍ (ഉത്തര്‍പ്രദേശ്): ബിജെപി നേതാവും നടിയും മഥുരയിലെ സ്ഥാനാര്‍ത്ഥിയുമായ ഹേമമാലിനി വൃന്ദാവനില്‍ പാര്‍ട്ടി പ്രവര്‍ത്തകര്‍ക്കൊപ്പം ഹോളി ആഘോഷിച്ചു. എല്ലാവര്‍ക്കും ഹോളി ആശംസകള്‍ നേരുകയും ‘ഷോലെ’, ‘ഹോളി കേ ദിന്‍’ എന്നിവയിലെ ചാര്‍ട്ട്- ബസ്റ്റിങ് നമ്പര്‍ പാടുകയും ചെയ്തു.
#WATCH | Vrindavan, Uttar Pradesh | BJP MP Hema Malini sings 'Holi Ke Din' from her film 'Sholay' and a bhajan 'Shyam Rang Mein Main Toh Rang Gayi'. pic.twitter.com/MHDSoVaIUd
— ANI (@ANI) March 25, 2024
എന്‍ഡിഎ സഖ്യം 400 സീറ്റുകള്‍ക്കപ്പുറം പോകുമെന്ന് തനിക്ക് ആത്മവിശ്വാസമുണ്ടെന്നും അവര്‍ പറഞ്ഞു. ബിജെപിക്ക് 370 പ്ലസ് സീറ്റുകളും എന്‍ഡിഎയ്‌ക്ക് 400 മാണ് ലക്ഷ്യം. ഇവ യാഥാര്‍ത്ഥ്യമാകുക തന്നെ ചെയ്യും. 400 സീറ്റുകളില്‍ എത്തുക മാത്രമല്ല, അതിനപ്പുറത്തേക്ക് പോകാനും എല്ലാ ശ്രമങ്ങളും നടത്തും. ഇതിനായി ആത്മവിശ്വാസം നല്‍കുന്നത് കേന്ദ്രസര്‍ക്കാരിന്റെ പ്രവര്‍ത്തനമാണ്. പ്രധാനമന്ത്രി നരേന്ദ്ര മോദിയുടെ ദീര്‍ഘവീക്ഷണത്തോടെയുള്ള മാര്‍ഗനിര്‍ദേശത്തിനും നേതൃത്വത്തിനും കീഴിലാണ് ഈ നേട്ടം കൈവരിച്ചത്. രാജ്യം ഇന്ന് എവിടെയാണ് നില്‍ക്കുന്നത് എന്നതില്‍ നാമെല്ലാവരും അഭിമാനിക്കുന്നു. വിമര്‍ശിക്കുന്നതിന് പകരം പ്രതിപക്ഷം പോലും രാജ്യത്തെ മുന്നോട്ട് കൊണ്ടുപോകാനുള്ള ഞങ്ങളുടെ നല്ല പ്രവര്‍ത്തനങ്ങളെയും പരിശ്രമങ്ങളെയും അംഗീകരിക്കണമെന്നാണ് എനിക്ക് തോന്നുന്നത്. ഹോളി ആഘോഷിക്കുന്നതില്‍ മാത്രമല്ല രാഷ്‌ട്രനിര്‍മാണത്തിലും എല്ലാവരും ഒപ്പമുണ്ടാകണമെന്നും അവര്‍ പറഞ്ഞു.
