ലോട്ടറി രാജാവ് സാന്റിയാഗോ മാര്ട്ടിന് വാങ്ങിക്കൂട്ടിയ1368 കോടി രൂപയുടെ ഇലക്ടറല് ബോണ്ട് തുക പങ്കിട്ടെടുത്ത് മമതയും സ്റ്റാലിനും. മമതയുടെ തൃണമൂലിന് കിട്ടിയത് 540 കോടി രൂപയാണെങ്കില് സ്റ്റാലിന്റെ ഡിഎംകെ വാങ്ങിയത് 509 കോടി രൂപയാണ്. സാന്റിയാഗോ മാര്ട്ടിന്റെ കമ്പനിയായ ഫ്യൂച്ചര് ഗെയിമിംഗ് ആന്റ് ഹോട്ടല് സര്വ്വീസസ് ആണ് 1368 കോടി രൂപയുടെ ഇലക്ടറല് ബോണ്ട് വാങ്ങിയത്.
സാന്റിയാഗോ മാര്ട്ടിന് മറ്റൊരു 160 കോടി രൂപ നല്കിയത് ആന്ധ്ര മുഖ്യമന്ത്രി ജഗന്മോഹന് റെഡ്ഡിയുടെ വൈഎസ്ആര് കോണ്ഗ്രസിനാണ്. ആകെ 100 കോടി മാത്രമാണ് ബിജെപിക്ക് നല്കിയിരിക്കുന്നത്.
ഇതോടെ തൃണമൂല് കോണ്ഗ്രസിന്റെയും ഡിഎംകെയുടെയും ഇലക്ടറല് ബോണ്ടിലൂടെയുള്ള ഫണ്ട് ശേഖരണം ചോദ്യം ചെയ്യപ്പെടുകയാണ്. പക്ഷെ മോദി സര്ക്കാരിനെ അട്ടിറിക്കാന് ശ്രമിക്കുന്ന ശതകോടീശ്വരന് ജോര്ജ്ജ് സോറോസിന് വേണ്ടി പ്രവര്ത്തിക്കുന്ന ഇന്ത്യയിലെ മാധ്യമപ്രവര്ത്തക സംഘം ഇലക്ടറല് ബോണ്ട് വിഷയത്തില് ബിജെപിയുടെ റോള് മാത്രം പെരുപ്പിച്ച് കാണിക്കുകയാണ്. കേരളത്തിലെ സിപിഎമ്മിന് സ്റ്റാലിന് നല്കിയ 25 കോടിയുടെ സംഭാവന സാന്റിയാഗോ മാര്ട്ടിന് ഡിഎംകെയ്ക്ക് നല്കിയ ഫണ്ടില് നിന്നുള്ള തുകയാണെന്ന കാര്യവും വിവാദമായിരിക്കുകയാണ്.
ന്യൂസ് മിനിറ്റ്, സ്ക്രോള്, ന്യൂസ് ലോണ്ട്രി എന്നീ ഓണ്ലൈന് വാര്ത്താചാനലുകളും നിരവധി സ്വതന്ത്ര ജേണലിസ്റ്റുകളുമാണ് ഇലക്ട്രറല് ബോണ്ടിന്റെ പേരില് ബിജെപിയ്ക്കെതിരായ വാര്ത്തകള്ക്ക് സമൂഹമാധ്യമങ്ങളില് വന്പ്രചാരണം നല്കുന്നത്. ബിജെപിയോടുള്ള വെറുപ്പ് മൂത്ത് ഈ മാധ്യമസംഘം ഹബ് പവര് എന്ന കമ്പനി വാങ്ങിയ ഇലക്ടറല് ബോണ്ടുമായി ബന്ധപ്പെടച്ട് ചമച്ച കള്ളവാര്ത്ത കേട്ടാല് ആരും തകര്ന്ന് പോകും.
പാകിസ്ഥാനില് നിന്നുള്ള ഹബ് പവര് എന്ന കമ്പനി ബിജെപിയ്ക്ക് 95 ലക്ഷം ഇലക്ടറല് ബോണ്ട് വഴി നല്കിയെന്നും പുല്വാമ ആക്രമണത്തിനുള്ള പ്രത്യുപകാരമായാണ് ഈ തുക നല്കിയതെന്നുമായിരുന്നു ഈ മാധ്യമകള്ളക്കൂട്ടങ്ങളുടെ കള്ളപ്രചാരണം. ഇത് അപ്പോള് തന്നെ കോണ്ഗ്രസ് പാര്ട്ടി അവരുടെ സമൂഹമാധ്യമപേജില് പങ്കുവെയ്ക്കുകയും ചെയ്തു. എന്നാല് 95 ലക്ഷം രൂപയുടെ ഇലക്ടറല് ബോണ്ട് വാങ്ങിയ ഹബ് പവര് എന്ന കമ്പനി പാകിസ്ഥാനിലെ ഹബ് പവര് അല്ലെന്ന് ഉടനെ ഇന്ത്യ ടുഡേ കണ്ടെത്തിയതോടെ ഈ കള്ളമാധ്യമക്കൂട്ടങ്ങളുടെ ഫ്യൂസ് പോയി. ദല്ഹി കേന്ദ്രമായി പ്രവര്ത്തിക്കുന്ന ഒരു വ്യാജകമ്പനിയാണ് ഹബ് പവര് എന്നായിരുന്നു ഇന്ത്യാ ടുഡേയുടെ കണ്ടെത്തല്.
മാധ്യമക്കള്ളക്കൂട്ടങ്ങള് ഡോളര് ബോണ്ടുകള് വാങ്ങുന്നത് വിവാദത്തില്
ഇലക്ടറല് ബോണ്ട് സംഭാവനകളുടെ പേരില് ബിജെപിയെ തിരഞ്ഞു പിടിച്ച് ആക്രമിക്കുന്ന ന്യൂസ് മിനിട്ട് – ന്യൂസ് ലൗണ്ട്രി സഖ്യത്തിന്റെ ഡോളര് ബോണ്ടുകള് വിവാദത്തില്. ഇന്റര്നെറ്റില് സൗജന്യമായ വാര്ത്തകള്ക്കായി ഈ പോര്ട്ടലുകളിലേക്ക് സബ്സ്ക്രിപ്ഷന്റെ പേരില് വിദേശ ഫണ്ട് ഒഴുക്കുന്നതായാണ് ആരോപണം. ചൈനീസ് ഫണ്ട് സ്വീകരിച്ച ന്യൂസ് ക്ലിക്ക് എഡിറ്റര്ക്കെതിരെ യുഎപിഎ കേസ് ചുമത്തിയിട്ടും ന്യൂസ് മിനിട്ടിനും ന്യൂസ് ലൗണ്ട്രിക്കും യു എസ്-കാനഡ ഫണ്ട് നിര്ബാധം ഒഴുകുന്നു.
പാലക്കാട് സ്വദേശി ധന്യ രാജേന്ദ്രനാണ് ബാംഗ്ലൂരിലെ ന്യൂസ് മിനിട്ട് എഡിറ്റര്.ന്യൂസ് മിനിട്ടിനെതിരെ ആദായ നികുതി വകുപ്പ് അന്വേഷണം നടക്കുന്നുണ്ട്.വിദേശത്തു നിന്ന് വന് തുക ഒരുമിച്ചു സ്വീകരിച്ചാല് പിടി വീഴുമെന്നതിനാല് 200 ഡോളറില് താഴെയായാണ് സംഭാവനകള് എത്തുന്നത്. പോപ്പുലര് ഫ്രണ്ട് ഗള്ഫില് നിന്ന് എന്ആര്ഐ അക്കൗണ്ടുകളിലൂടെ ക്രൗഡ് ഫണ്ടിങ് നടത്തിയതിനു സമാനമാണ് ന്യൂസ് മിനിട്ട് , ന്യൂസ് ലൗണ്ട്രി ഫണ്ടു ശേഖരണം.
