വാഷിംഗ്ടൺ: യുഎസും ഇന്ത്യയും തമ്മിലുള്ള ഭാവി സഹകരണത്തിന്റെ മൂന്ന് പ്രധാന മേഖലകളായ പ്രതിരോധം, ജനാധിപത്യം, സാങ്കേതികവിദ്യ എന്നിവയിൽ കൂടുതൽ സഹകരണം ശക്തമാക്കണമെന്ന് ഉന്നത അമേരിക്കൻ നയതന്ത്രജ്ഞനും മാനേജ്മെൻ്റ് സ്റ്റേറ്റ് ഡെപ്യൂട്ടി സെക്രട്ടറി ആൻഡ് റിസോഴ്സ് ഉദ്യോഗസ്ഥനുമായ റിച്ചാർഡ് വർമ.
പ്രധാനപ്പെട്ട ഈ മേഖലകളെ തിരിച്ചറിഞ്ഞുകൊണ്ട് ഇരു രാജ്യങ്ങളും തമ്മിലുള്ള സുരക്ഷാ ബന്ധം വരും വർഷങ്ങളിൽ കൂടുതൽ പ്രാധാന്യമർഹിക്കുമെന്നും അദ്ദേഹം പറഞ്ഞു.” 77 വർഷമായി ഈ ബന്ധം ഒരു നേർരേഖയിൽ നീങ്ങിയിട്ടില്ല എന്നതിൽ തർക്കമില്ല. അത് അസാധാരണമാംവിധം ഉറച്ച അടിത്തറയിലാണ് നിർമ്മിച്ചിരിക്കുന്നത് – അത് കൂടുതൽ ശക്തമായിക്കൊണ്ടിരിക്കുകയാണ്. ഇവിടെ ദീർഘവീക്ഷണം പ്രധാനമാണ്,” – റിച്ചാർഡ് വർമ പറഞ്ഞു. ഇന്ത്യ സന്ദർശനത്തിന് ശേഷം തിരിച്ചെത്തിയതിനെക്കുറിച്ച് ഒരു ബ്ലോഗ് പോസ്റ്റിലാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
“പ്രസിഡൻ്റ് ബൈഡനും പ്രധാനമന്ത്രി മോദിയും പറഞ്ഞതുപോലെ, പരസ്പരം നമ്മുടെ സ്വാധീനം പ്രധാനമാണ്, എന്നാൽ ലോകത്തിനായി നമുക്ക് ചെയ്യാൻ കഴിയുന്നത് അതിലും പ്രധാനമാണ്. അത് ഭക്ഷ്യ അരക്ഷിതാവസ്ഥയെ അഭിസംബോധന ചെയ്യുകയോ അല്ലെങ്കിൽ അടുത്ത മഹാമാരിയെ നേരിടുകയോ അല്ലെങ്കിൽ ദശലക്ഷക്കണക്കിന് ആളുകളെ ഡിജിറ്റൽ സമ്പദ്വ്യവസ്ഥയുമായി ബന്ധിപ്പിക്കുകയോ ചെയ്യുക എന്നതാണ്, നമുക്ക് ഒരുമിച്ച് ചെയ്യാൻ കഴിയുന്ന ഒരുപാട് കാര്യങ്ങളുണ്ട്, ”-വർമ്മ ബ്ലോഗിൽ എഴുതി.
