തിരുവനന്തപുരം: ചേങ്കോട്ടുകോണത്ത് യുവതിയെ തീകൊളുത്തി കൊലപ്പെടുത്തിയ സുഹൃത്ത് ബിനു (50) മരിച്ചു. പൗഡിക്കോണം ചെല്ലമംഗലം സ്വദേശിയാണ് ബിനു.
ചേങ്കോട്ടുകോണം സ്വദേശിനി സരിത (46) യെ പെട്രോളൊഴിച്ച് തീ കൊളുത്തവെ ഇയാള്ക്കും പൊള്ളലേറ്റിരുന്നു. ചികിത്സയിലിരിക്കെയാണ് മരണം .
ഈ മാസം നാലിന് രാത്രിയിലാണ് സംഭവം നടന്നത്. സരിതയെ മേലെ കുണ്ടയത്തുള്ള വീട്ടില് നിന്നും ബിനു വിളിച്ചിറക്കി.ശേഷം ഇരുവരും തമ്മില് വാക്കേറ്റം നടന്നു. ഇതിനിടെ കൈവശമുണ്ടായിരുന്ന പെട്രോളെടുത്ത് സരിതയുടെ ശരീരത്തിലൊഴിച്ച് തീ കൊളുത്തി. ഗുരുതരമായി പൊള്ളലേറ്റ ഇവരെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
സരുതയെ തീ കൊളുത്തവെ ബിനുവിനും സാരമായി പൊള്ളലേറ്റിരുന്നു. തീ പടര്ന്നതോടെ ബിനു സമീപത്തെ കിണറ്റിലേക്ക് ചാടി. പിന്നീട് അഗ്നിശമന സേനയെത്തി ഇയാളെ രക്ഷപ്പെടുത്തി ആശുപത്രിയില് പ്രവേശിപ്പിക്കുകയായിരുന്നു.
