മുംബയ് : 2025 സീസണിന് മുന്നോടിയായി ഐപിഎല്ലില്‍ മെഗാ ലേലം സംഘടിപ്പിക്കും. ചെയര്‍മാന്‍ അരുണ്‍ ധുമാല്‍ ആണ് ഇക്കാര്യം അറിയിച്ചത്.
മൂന്നോ നാലോ താരങ്ങളെ നിലനിര്‍ത്താന്‍ ടീമുകളെ അനുവദിക്കും.അങ്ങനെ ടൂര്‍ണമെന്റ് കൂടുതല്‍ ആവേശകരമാകുമെന്നും ധുമാല്‍ അറിയിച്ചു.
ജൂണ്‍ ഏഴിന് ടി-20 ലോകകപ്പ് ആരംഭിക്കുന്നതിനാല്‍ ഇക്കൊല്ലം ഐപിഎല്‍ മേയ് 25നോ 26നോ അവസാനിക്കും. ആദ്യ രണ്ടാഴ്ചത്തെ മത്സരക്രമമാണ് ഇപ്പോള്‍ പുറത്തുവന്നത്.
ഈ മാസം 22ന് ചെന്നൈ സൂപ്പര്‍ കിംഗ്‌സും റോയല്‍ ചലഞ്ചേഴ്‌സ് ബാംഗ്ലൂരും തമ്മിലാണ് ഐപിഎല്‍ ഉദ്ഘാടന മത്സരം. ഏപ്രില്‍ ഏഴിന് ആദ്യ ഘട്ട മത്സരങ്ങള്‍ അവസാനിക്കും.
