മലപ്പുറം: ലോകകപ്പ് ഫൈനല് ആവേശം അതിരുവിട്ടു. കുറ്റിക്കാട്ടൂരില് അര്ജന്റീന-ബ്രസീല് ഫാന്സുകാര് തെരുവില് ഏറ്റുമുട്ടി. വാട്സ്ആപ്പ് ഗ്രൂപ്പിലുണ്ടായ തര്ക്കമാണ് നേരിട്ടുള്ള തല്ലില് എത്തിയത്.
സംഘര്ഷത്തില് ബ്രസീല് ആരാധകനായ കുറ്റിക്കാട്ടൂര് സ്വദേശി മുഹമ്മദ് ഷാനിസിന് ക്രൂരമര്ദനമേറ്റു. അക്രമികള് ഷാനിസിന്റെ വീടിന് നേരെയും ആക്രമണം അഴിച്ചുവിട്ടു. വീടിന്റെ ജനല് ചില്ലുകള് അടിച്ചുതകര്ത്തു. സംഭവത്തില് കുറ്റിക്കാട്ടൂര് സ്വദേശികളായ നിഖില്, രഞ്ജിത്ത് എന്നിവര്ക്കെതിരെ മെഡിക്കല് കോളേജ് പൊലീസ് ജാമ്യമില്ലാ വകുപ്പുകള് ചുമത്തി കേസെടുത്തു. പ്രതികള്ക്കായി തെരച്ചില് ഊര്ജ്ജിതമാക്കി.
ലോകകപ്പ് ഫൈനല് നടക്കാനിരിക്കുന്നത് കണക്കിലെടുത്ത് ഫാന്സുകാര് തമ്മില് കൂടുതല് സംഘര്ഷ സാധ്യത മുന്നില്ക്കണ്ട് നഗരത്തിലും പരിസര പ്രദേശങ്ങളിലും പൊലീസ് സുരക്ഷയും നിയന്ത്രണങ്ങളും കര്ശനമാക്കി. ഫുട്ബോള് ആവേശം അതിക്രമങ്ങളിലേക്ക് കടന്നാല് കര്ശന നടപടിയുണ്ടാകുമെന്ന് പൊലീസ് മുന്നറിയിപ്പ് നല്കി.
