തൃശൂര്: ജില്ലയില് ലോക്സഭാ തെരഞ്ഞെടുപ്പിന്റെ പ്രചാരണം ബിജെപി ശക്തിപെടുത്തിയതിനു പിന്നാലെ വിരളിപൂണ്ട് പ്രതിപക്ഷ പാര്ട്ടികള്. മണ്ഡലത്തിന്റെ വിവിധയിടങ്ങളില് സുരേഷ് ഗോപിയുടെ പ്രചാരണ ബോര്ഡുകള് നശിപ്പിച്ചു.
തൃശൂര് പനമുക്കില് സ്ഥാപിച്ചിരുന്ന ബോര്ഡുകളാണ് ഇരുട്ടിന്റെ മറവില് നശിപ്പിച്ചത്. സിപിഎം ആണ് സംഭവത്തിന് പിന്നില്ലെന്നാണ് ബിജെപി ആരോപിക്കുന്നത്. സുരേഷ് ഗോപി ജനപ്രിയനായതുകൊണ്ട് തന്നെ മറ്റ് സ്ഥാനാര്ത്ഥികള് തോല്ക്കുമോ എന്ന ഭയത്താലാണ് ഇത്തരം നീച പ്രവര്ത്തികള് ചെയ്യുന്നതെന്നും പ്രവര്ത്തകര് പറഞ്ഞു.
പനമുക്ക് ശിവക്ഷേത്രത്തില് സുരേഷ് ഗോപി ദര്ശനം നടത്തുന്നതിന് മുന്പായാണ് സംഭവം നടന്നത്. ഇന്നലെ രാത്രിയും സമാനമായ സംഭവങ്ങള് അരങ്ങേറിയിരുന്നു. സുരേഷ് ഗോപിയുടെ റോഡ് ഷോയ്ക്കിടെ സ്ട്രീറ്റ് ലൈറ്റ് കെഎസ്ഇബി ഓഫ് ചെയിരുന്നു. ഇരിങ്ങാലക്കുടയില് ഇലക്ഷന് പ്രചാരണത്തിന്റെ ഭാഗമായി നടന്ന റോഡ് ഷോയ്ക്കിടയിലായിരുന്നു സംഭവം. സ്ട്രീറ്റ് ലൈറ്റ് ഓഫാക്കിയതിനെ തുടര്ന്ന്, പ്രവര്ത്തകര് മൊബൈല് ഫോണിലെ ഫഌഷ് ലൈറ്റ് ഓണാക്കി പ്രതിഷേധിച്ചിരുന്നു.
