ഇടുക്കി: അടിമാലിയിൽ പോലീസുകാരന് വെട്ടേറ്റു. വെള്ളത്തൂവൽ സ്‌റ്റേഷനിലെ സിവിൽ പോലീസ് ഓഫീസർ അനീഷിനാണ് വെട്ടേറ്റത്. പത്താം മൈലിൽ നിന്ന് 200 ഏക്കറിലേക്കുള്ള യാത്രയ്‌ക്കിടെയാണ് ആക്രമണം നടന്നത്.
ബൈക്കിൽ പിന്തുടർന്നെത്തിയ മൂവർ സംഘം കത്തി ഉപയോഗിച്ച് ആക്രമിക്കുകയായിരുന്നു. കൈക്കും വയറിനും സാരമായി പരിക്കേറ്റ ഇയാളെ അടിമാലി താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്. വാഹനത്തിന് സൈഡ് കൊടുക്കുന്നതുമായി ബന്ധപ്പെട്ട് നടന്ന പ്രശ്‌നമാണ് ആക്രമണത്തിൽ കലാശിച്ചതെന്നാണ് സൂചന.
