തിരുവനന്തപുരം: ചേങ്കോട്ടുകോണത്ത് യുവതിയെ തീകൊളുത്തി കൊലപ്പെടുത്താന് ശ്രമം. യുവാവ് പെട്രോളൊഴിച്ച് കത്തിക്കുകയായിരുന്നു. ഗുരുതരമായി പൊള്ളലേറ്റ യുവതിയെയും യുവാവിനെയും ആശുപത്രിയില് പ്രവേശിപ്പിച്ചു.
പൗഡിക്കോണം ചെല്ലമംഗലം സ്വദേശി ബിനു, ചേങ്കോട്ടുകോണം സ്വദേശിനി ജി സരിത എന്നിവര്ക്കാണ് പൊള്ളലേറ്റ് ആശുപത്രിയിലായത്. സരിതയെ വീട്ടില് നിന്നും വിളിച്ചിറക്കി പെട്രോളൊഴിച്ച് തീ കൊളുത്തുകയായിരുന്നു. വാക്കുതര്ക്കത്തിനിടെയാണ് ബിനു കൈവശം കരുതിയിരുന്ന പെട്രോള് യുവതിയുടെ ദേഹത്ത് ഒഴിച്ചത്.
ഇതിന് ശേഷം ബിനു കിണറ്റിലേക്ക് ചാടി. ഇയാള്ക്ക് 50 ശതമാനം പൊള്ളലേറ്റു. സരിതക്ക് 80 ശതമാനവും പൊള്ളലേറ്റു.പോത്തന്കോട് പൊലീസ് കേസെടുത്തു.
