കോഴിക്കോട് : നഗരത്തില് എംഡിഎംഎയുമായി യുവതി ഉള്പ്പെടെ പിടിയില്. 49 ഗ്രാം എംഡിഎംഎയുമായി പതിനെട്ടുകാരിയും സുഹൃത്തുമാണ് പിടിയിലായത്.
മെഡിക്കല് കോളേജ് പൊലീസും നാര്കൊട്ടിക് ഷാഡോ സംഘവുമാണ് പ്രതികളെ കസ്റ്റഡിയിലെടുത്തത്.മിംമ്സ് ആശുപത്രിക്ക് സമീപത്തെ ലോഡ്ജില് നിന്നാണ് ഇവര് പിടിയിലായത്.
നല്ലളം സ്വദേശി ഷംജാദ്, കര്ണാടക സ്വദേശിനി സഞ്ജന എന്നിവരാണ് അറസ്റ്റിലായത്. ഷംജാദ് ജോലി ചെയ്യുന്നത് കര്ണ്ണാടകയിലാണ്.
എംഡിഎംഎ കര്ണാടകയില് നിന്ന് കോഴിക്കോടെത്തിച്ച് ചില്ലറ വില്പന നടത്തുന്നതാണ് ഇവരുടെ രീതി. ഹോട്ടല് മുറികള് കേന്ദ്രീകരിച്ചായിരുന്നു വില്പന.
