ശ്രീനഗർ: ജമ്മു കശ്മീരിലെ ബാരാമുള്ള ജില്ലയിൽ ലഷ്‌കർ ഇ തൊയ്ബ ഭീകരന്റെ കൂട്ടാളിയെ സുരക്ഷാ സേന അറസ്റ്റ് ചെയ്തതായി പോലീസ് അറിയിച്ചു.
പ്രദേശത്ത് നടത്തിയ പരിശോധനയ്‌ക്കിടെ സംശയാസ്പദമായ നിലയിൽ ഒരാളെ പിടികൂടി. പോലീസ് സംഘത്തെ കണ്ടയുടൻ ഓടി രക്ഷപ്പെടാൻ ശ്രമിച്ചെങ്കിലും സൈന്യം തന്ത്രപൂർവം പിടികൂടിയതായി ഉദ്യോഗസ്ഥർ കൂട്ടിച്ചേർത്തു.
അതേ സമയം പട്ടാൻ മേഖലയിലെ ഭീകരരുടെ നീക്കത്തെക്കുറിച്ചുള്ള ഒരു പ്രത്യേക വിവരത്തിന്റെ അടിസ്ഥാനത്തിൽ, വടക്കൻ കശ്മീർ ജില്ലയിലെ ചിനാർ ക്രോസിംഗിൽ സംയുക്ത ചെക്ക് പോയിൻ്റ് സ്ഥാപിച്ചതായി പോലീസ് വക്താവ് പറഞ്ഞു.
