കാഠ്മണ്ഡു: ഒരു കിലോയിലധികം അസംസ്‌കൃത സ്വർണം കൈവശം വച്ചതിന് നേപ്പാളിലെ അന്താരാഷ്‌ട്ര വിമാനത്താവളത്തിൽ നിന്ന് ഇന്ത്യൻ യുവതിയെ ഞായറാഴ്ച അറസ്റ്റ് ചെയ്തു. ഒരാഴ്ചയ്‌ക്കിടെ നടക്കുന്ന മൂന്നാമത്തെ അറസ്റ്റാണിത്.
തഷ്‌ലിമ സുൽത്താൻ ബ്രൂസ (37) എന്ന യുവതിയെ ത്രിഭുവൻ രാജ്യാന്തര വിമാനത്താവളത്തിൽ സുരക്ഷാ പരിശോധനയ്‌ക്കിടെ പിടികൂടിയതായിട്ടാണ് പോലീസ് അറിയിച്ചത്. മൂന്ന് കാപ്പി പാക്കറ്റുകളിലായി 700 ഗ്രാം സെമി ലിക്വിഡ് സ്വർണ്ണം പോലെയുള്ള വസ്തുക്കളും 740 ഗ്രാം സ്വർണ്ണപ്പൊടിയും ഒളിപ്പിച്ച നിലയിലായിരുന്നു ബ്രൂസ.
പിടികൂടിയ യുവതിയെ കൂടുതൽ ചോദ്യം ചെയ്യലിനായി കസ്റ്റംസ് അധികൃതർക്ക് കൈമാറി. അടിക്കിട നേപ്പാളിലെ വിമാനത്താവളത്തിൽ അനധികൃത സ്വർണവുമായിട്ടെത്തുന്നവരുടെ എണ്ണം കൂടി വരുന്നുണ്ടെന്ന് എയർപോർട്ട് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: