തിരുവനന്തപുരം: പള്ളിപ്പുറത്ത് ആംബുലന്സിന്റെ ടയര് ഊരിത്തെറിച്ച് അപകടം. ഓടിക്കൊണ്ടിരുന്ന ആംബുലന്സില് നിന്ന് ഉരി പോയ ടയര് സ്കൂട്ടര് യാത്രക്കാരനെ ഇടിച്ച് ഗുരുതരമായി പരിക്കേറ്റു. പള്ളിപ്പുറത്ത് ഇന്ന് രാവിലെയാണ് അപകടം ഉണ്ടായത്.
തിരുവനന്തപുരം മെഡിക്കല് കോളേജിലേക്ക് രോഗിയുമായി വരികയായിരുന്ന ആംബുലന്സിന്റെ ടയറാണ് ഊരി തെറിച്ചത്. ഊരിത്തെറിച്ച് ടയര് അതുവഴി പോവുകയായിരുന്ന സ്കൂട്ടര് യാത്രക്കാരനെ ഇടിച്ചു തെറിപ്പിച്ചു. ഇടിയുടെ ആഘാതത്തില് സ്കൂട്ടര് യാത്രികന് ദേശീയപാതയുടെ നിര്മ്മാണം നടക്കുന്ന ഓടയിലേക്ക് തെറിച്ചു വീണു. ഇയ്യാള് ഗുരുതര പരിക്കുണ്ടെന്നാണ് പ്രാഥമിക വിവരം.
