തിരുവനന്തപുരം: മുഖ്യമന്ത്രി പിണറായി വിജയന്റെ മകള്‍ വീണയുടെ പരാതിയില്‍ ഷോണ്‍ ജോര്‍ജിനെതിരെ കേസെടുത്ത് പൊലീസ്. ഷോണ്‍ ജോര്‍ജിന് പുറമെ ചില മാധ്യമങ്ങള്‍ക്കെതിരെയും കേസെടുത്തിട്ടുണ്ട്.ജാമ്യം ലഭിക്കാവുന്ന വകുപ്പ് പ്രകാരമാണ് കേസെടുത്തിരിക്കുന്നത്.
കാനഡയില്‍ കമ്പനിയുണ്ടന്ന് സൈബറിടങ്ങളില്‍ വ്യാജ പ്രചരണം നടത്തിയെന്ന വീണ വിജയന്റെ പരാതിയിലാണ് പൊലീസ് കേസെടുത്തത്. അച്ഛനും ഭര്‍ത്താവും സിപിഎം നേതാക്കളായതിനാല്‍ പിന്തുടര്‍ന്ന് ആക്രമിക്കുവെന്ന് വീണ പരാതിയില്‍ പറയുന്നു.
ഷോണ്‍ ജോര്‍ജിന്റെ ഫേസ് ബുക്കിലൂടെയാണ് കാനഡയില്‍ വീണയ്‌ക്ക് കമ്പനി ഉണ്ടെന്ന ആരോപണം ആദ്യം ഉയര്‍ന്നത്. ഈ ആരോപണം ഉയര്‍ന്നതിന് പിന്നാലെ കമ്പനിയുടെ വിലാസം തിരുത്തിയെന്നും വാര്‍ത്തയുണ്ടായിരുന്നു.
പി സി ജോര്‍ജിന്റെ മകനാണ് ഷോണ്‍ ജോര്‍ജ്.
