ന്യൂദല്ഹി: ജമ്മു കശ്മീര് നാഷണല് കോണ്ഫറന്സ് നേതാവായിരുന്ന ഡോ. ഷെഹനാസ് ഗനായി ബിജെപിയില് ചേര്ന്നു. ജമ്മു കശ്മീര് മുന് ലെജിസ്ലേറ്റീവ് കൗണ്സില് അംഗമായിരുന്നു. ദല്ഹിയിലെ ബിജെപി ആസ്ഥാനത്ത് കേന്ദ്രമന്ത്രി ജിതേന്ദ്ര സിങ്, കശ്മീരിന്റെ ചുമതലയുള്ള മുതിര്ന്ന ബിജെപി നേതാവ് തരുണ് ചുഗ എന്നിവരുടെ സാന്നിധ്യത്തിലാണ് ഷെഹനാസ് പാര്ട്ടിയില് ചേര്ന്നത്.
ജമ്മു കശ്മീരിലെ പിര് പന്ജല് മേഖലയില് നാഷണല് കോണ്ഫറന്സിന്റെ മുഖമായിരുന്നു ഡോ. ഷെഹനാസ്. നാഷണല് കോണ്ഫറന്സിന്റെ മുന് നേതാവും മന്ത്രിയുമായിരുന്ന അന്തരിച്ച ഗുലാം മുഹമ്മദ് ഗനായിയുടെ മകളാണ്. 2013-2018ല് ലെജിസ്ലേറ്റീവ് കൗണ്സില് അംഗമായിരുന്നു.
