കൊല്ക്കത്ത: കടുത്ത നെഞ്ചുവേദനയെ തുടര്ന്ന് ശനിയാഴ്ച കൊല്ക്കത്തയിലെ സ്വകാര്യ ആശുപത്രിയില് പ്രവേശിപ്പിച്ച മുതിര്ന്ന നടന് മിഥുന് ചക്രവര്ത്തിയെ തിങ്കളാഴ്ച ഉച്ചയോടെ ഡിസ്ചാര്ജ് ചെയ്തു. മിഥുനെ ഡിസ്ചാര്ജ് ചെയ്തു. താന് ‘തികച്ചും സുഖമായിരിക്കുന്നു’ എന്നും തന്റെ പുറത്തിറങ്ങാനിരിക്കുന്ന ചിത്രത്തിന്റെ ഷൂട്ടിംഗ് പുനരാരംഭിക്കുമെന്നും അദ്ദേഹം പറഞ്ഞു
ഈ മാസം 10നാണ് 73കാരനായ മിഥുന് ചക്രവര്ത്തിയെ ആശുപത്രിയില് പ്രവേശിപ്പിച്ചത്. ”ഒരു പ്രശ്നവുമില്ല, ഞാന് പൂര്ണമായും സുഖമായിരിക്കുന്നു- നടന് പറഞ്ഞു. ഭക്ഷണ ശീലങ്ങളില് നിയന്ത്രണം ഉണ്ടാകണമെന്നും താരം പറഞ്ഞു.
അതേസമയം കഴിഞ്ഞ ദിവസം പ്രധാനമന്ത്രി നരേന്ദ്ര മോദി ഫോണില് വിളിച്ചെന്നും താരം വെളിപ്പെടുത്തി. ആരോഗ്യം ശ്രദ്ധിക്കാത്തതിന് അദ്ദേഹം ശകാരിച്ചെന്നും മിഥുന് ചക്രവര്ത്തി വെളിപ്പെടുത്തി.
നേരത്തെ, മിഥുന് ചക്രവര്ത്തിയുടെ മസ്തിഷ്കത്തിന് ചെറിയ തോതില് സ്ട്രോക് ഉണ്ടായെന്ന് കണ്ടെത്തിയതായി ആശുപത്രി ഔദ്യോഗിക പ്രസ്താവനയില് അറിയിച്ചിരുന്നു.
താരം 2021 ല് ബി ജെ പിയില് ചേര്ന്നിരിന്നു.
