ചെന്നൈ : സിനിമ രംഗത്ത് നിന്നും പിന്മാറി പൂര്ണമായും രാഷ്ട്രീയത്തിലേക്ക് ഇറങ്ങും എന്നാണ് വിജയ് വാര്ത്ത കുറിപ്പില് പറയുന്നത്.ഇപ്പോള് കരാറായിരിക്കുന്ന സിനിമകള് പൂര്ത്തിയാക്കിയ ശേഷം അഭിനയം ഉപേക്ഷിക്കുമെന്ന് വിജയ് പുറത്തു വിട്ട കത്തില് പറയുന്നു.
എന്നാല് ഉടന് നടക്കാനിരിക്കുന്ന ലോക്സഭാ തിരഞ്ഞെടുപ്പില് മല്സരിക്കില്ലെന്നും 2026 നിയമസഭാ തെതിരഞ്ഞെടുപ്പില് മല്സരിക്കുമെന്നും വിജയ് പറയുന്നു. ജാതിമത ഭിന്നത, അഴിമതി എന്നിവയെ പൂര്ണമായും തന്റെ പാര്ട്ടി ഇല്ലാതാക്കുമെന്നും വിജയ് പറയുന്നു.
നിലവില് വെങ്കിട് പ്രഭു സംവിധാനം ചെയ്യുന്ന ‘ഗോട്ട്’ സിനിമയിലാണ് വിജയ് അഭിനയിക്കുന്നത്. ചിത്രത്തിന്റെ ഷൂട്ടിംഗ് ചെന്നൈയില് പുരോഗമിക്കുകയാണ്.
ഈ ചിത്രത്തിന് ശേഷം ഒരു ചിത്രത്തില് കൂടി താന് അഭിനയിക്കുമെന്നാണ് വിജയ് അറിയിച്ചത്. പാര്ട്ടി പ്രവര്ത്തനങ്ങള്ക്ക് തടസമില്ലാതെ ദളപതി 69 എന്ന് പേരിട്ടിരിക്കുന്ന ചിത്രം പൂര്ത്തിയാക്കും. ഇതിന് ശ്ഷം പൂര്ണമായും ജനസേവനത്തിലായിരിക്കും ശ്രദ്ധ എന്നും വിജയ് പറയുന്നു.
പ്രതികരിക്കാൻ ഇവിടെ എഴുതുക: