കോട്ടയം: ചങ്ങനാശേരിയിൽ റോഡ് മുറിച്ചു കടക്കവെ പിക്കപ്പ് വാനിടിച്ച് രണ്ട് പേർക്ക് ദാരുണാന്ത്യം. ചങ്ങനാശേരി സ്വദേശികളായ വർഗീസ്, പരമേശ്വരൻ എന്നിവരാണ് മരിച്ചത്. ചൊവ്വാഴ്ച രാത്രി എട്ട് മണിയോടെയായിരുന്നു സംഭവം.എംസി റോഡിൽ കുറിച്ചി ചെറുവേലിപ്പടിയിലായിരുന്നു അപകടം.
റോഡ് മുറിച്ചു കടക്കാൻ ശ്രമിക്കവെ ചങ്ങനാശേരി ഭാഗത്ത് നിന്നെത്തിയ പിക്കപ്പ് വാൻ ഇടിക്കുകയായിരുന്നുയ ഇടിയുടെ ആഘാതത്തിൽ റോഡിലേക്ക് തെറിച്ചു വീണ ഇരുവരെയും ഉടൻ തന്നെ പ്രദേശവാസികൾ കോട്ടയം മെഡിക്കൽ കോളേജിലെത്തിച്ചെങ്കിലും ജീവൻ രക്ഷിക്കാനായില്ല.
