ഹൈദ്രാബാദ് : ഇംഗ്ലണ്ടിനെതിരായ ആദ്യ ടെസ്റ്റിന്റെ രണ്ടാം ദിനം അവസാനിക്കവെ ഇന്ത്യക്ക് 175 റണ്‍സിന്റെ ലീഡ്. ഇന്ത്യ ഇപ്പോള്‍ 421/7 എന്ന നിലയിലാണ്.
81 റണ്‍സുമായി ജഡേജയും 35 റണ്‍സുമായി അക്‌സര്‍ പട്ടേലുമാണ് ക്രീസില്‍.
ഇന്നലെ തന്നെ രോഹിത് ശര്‍മ്മയെ നഷ്ടപ്പെട്ട് ഇന്ത്യക്ക് ഇന്ന് രവിലെ ജയ്‌സ്വാളിന്റെ വിക്കറ്റ് ഇന്ത്യക്ക് നഷ്ടമായി. ആക്രമിച്ചു കളിച്ച ജയ്‌സ്വാള്‍ 74 പന്തില്‍ നിന്ന് 80 റണ്‍സ് എടുത്തു. ഗില്‍ 23 റണ്‍സും എടുത്തു.
ഉച്ചഭക്ഷണത്തിന് ശേഷം 86 റണ്‍സ് എടുത്ത കെ എല്‍ രാഹുല്‍ പുറത്തായി. ശ്രേയസ് അയ്യര്‍ 35 റണ്‍സ് എടുത്ത് പുറത്തായി.
ഭരത് 41 റണ്‍സെടുത്തപ്പോള്‍ അശ്വിന്‍ ഒരു റണ്‍സെടുത്ത് റണ്ണൗട്ട് ആവുകയായിരുന്നു.
ഇംഗ്ലണ്ടിനായി ടോം ഹാര്‍ട്‌ലിയും ജോ റൂട്ടും രണ്ട് വിക്കറ്റ് വീതം നേടി. ടോം ജാക്ക് ലീചും രെഹാനും ഒരോ വിക്കറ്റ് വീതമെടുത്തു.
