ലാഹോർ: പണപ്പെരുപ്പം രൂക്ഷമായ പാക്കിസ്ഥാനിൽ വിലക്കയറ്റം രൂക്ഷം. മിക്ക സാധനങ്ങളുടെയും വില കുതിച്ചുയരുകയാണ്. വിലക്കയറ്റം പിടിച്ചു നിർത്തണമെന്ന സർക്കാർ നിർദേശം പാലിക്കാൻ പ്രാദേശിക ഭരണകൂടങ്ങൾ പരാജയപെട്ടു. പ്രവിശ്യാ തലസ്ഥാനമായ ലാഹോറിൽ മുട്ടയുടെ വില ഡസനിന് 400 പാകിസ്ഥാൻ രൂപയായി (പികെആർ) കുതിച്ചുയർന്നതായി വിപണി വൃത്തങ്ങൾ അറിയിച്ചു. അതേസമയം കോഴിയിറച്ചി വിൽക്കുന്നത് 615 രൂപ നിരക്കിലാണ്.
സവാള കിലോയ്‌ക്ക് 230 മുതൽ 250 രൂപ വരെയാണ് വില. വിലസ്ഥിരത ഉറപ്പു വരുത്തുന്നതിനും പൂഴ്‌ത്തിവെപ്പും ലാഭക്കൊതിയും പരിശോധിക്കുന്നതിനുമുള്ള നടപടികൾക്കായി പ്രവിശ്യാ സർക്കാരുകളുമായി നിരന്തരമായ ഏകോപനം തുടരാൻ കഴിഞ്ഞ മാസം സാമ്പത്തിക ഏകോപന സമിതി ദേശീയ വില നിരീക്ഷണ സമിതിക്ക് നിർദേശം നൽകിയിരുന്നു.
കുതിച്ചുയരുന്ന പണപ്പെരുപ്പവും ഭയാനകമായ കടഭാരവും കൊണ്ട് പാകിസ്ഥാൻ നട്ടം തിരിയുന്ന സമയത്താണ് ജനങ്ങളുടെ ദൈനം ദിന ജീവിതത്തെ ദുരിതത്തിലാക്കി കൊണ്ട് ഉയർന്ന വിലക്കയറ്റവും വരുന്നത് . 2023-24 സാമ്പത്തിക വർഷത്തിൽ നവംബർ അവസാനത്തോടെ പാകിസ്ഥാന്റെ പൊതു കടം 63.399 ട്രില്യൺ ആയി ഉയർന്നിരുന്നു. പാകിസ്ഥാൻ ഡെമോക്രാറ്റിക് മൂവ്‌മെന്റിന്റെയും കാവൽ സർക്കാരിന്റെയും കാലഘട്ടത്തിൽ രാജ്യത്തിന്റെ കടത്തിൽ 12.430 ട്രില്യൺ പാകിസ്ഥാൻ രൂപ വർദ്ധിച്ചിരുന്നു. മൊത്തം കടബാധ്യതയിൽ ആഭ്യന്തര വായ്‌പ 40.956 ട്രില്യൺ പികെആറും അന്താരാഷ്‌ട്ര വായ്‌പകളിൽ 22.434 ട്രില്യൺ പികെആറും ഉൾപ്പെടുന്നു.
ഈയടുത്ത കാലത്ത് പുറത്തുവിട്ട ലോകബാങ്ക് റിപ്പോർട്ട് പാകിസ്ഥാന്റെ ദയനീയമായ സാമ്പത്തിക സ്ഥിതി വരച്ചു കാട്ടിയിരുന്നു. പാകിസ്ഥാന്റെ സാമ്പത്തിക മാതൃക അമ്പേ പരാജയമാണെന്ന് വ്യക്തമാക്കിയ റിപ്പോർട്ട് ദാരിദ്രവും അരാജകത്വവും പാകിസ്ഥാനിൽ പിടി മുറുക്കുകയാണെന്നും വ്യക്തമാക്കിയിരുന്നു. സാമ്പത്തിക വികസനം വരേണ്യവർഗത്തിൽ മാത്രമായി പരിമിതപ്പെടുത്തിയിരിക്കുന്നു. ഇത് പാകിസ്ഥാനിലെ സാമ്പത്തിക പ്രതിസന്ധിയുടെ രാജ്യം മറ്റ് രാജ്യങ്ങളേക്കാൾ പിന്നിലാണെന്ന് പാക് വെർണക്കുലർ മീഡിയ റിപ്പോർട്ട് ചെയ്തു.
മുട്ട അടക്കമുള്ള നിത്യോപയോഗ സാധനങ്ങളുടെ വില കുതിച്ചുയരുന്ന ലാഹോറിലെ നിലവിലെ സാഹചര്യവും പാകിസ്ഥാന്റെ മൊത്തത്തിലുള്ള കടഭാരവും രാജ്യത്തിന്റെ തകർന്ന സമ്പദ്‌വ്യവസ്ഥയെയും സംബന്ധിച്ച ഒരു തുറന്ന ചിത്രം വരച്ചു വെക്കുന്നു. പാകിസ്ഥാന്റെ സാമ്പത്തിക മാതൃക ഫലപ്രദമല്ലാതായി മാറിയെന്നും ദാരിദ്ര്യം വീണ്ടും വർദ്ധിക്കാൻ തുടങ്ങിയെന്നും മുൻ കാലങ്ങളിലെ ദാരിദ്ര്യത്തിൽ ഗണ്യമായ കുറവുണ്ടായെന്നും നയം മാറ്റുന്നതിനുള്ള വികാരം വളരുകയാണെന്നും ലോകബാങ്ക് പാകിസ്ഥാന്റെ കൺ ട്രി ഡയറക്ടർ നജി ബെൻഹാസിൻ പറഞ്ഞു.
വിലക്കയറ്റവും ആഭ്യന്തര പ്രശ്നങ്ങളും, തീവ്രവാദവും ചേർന്ന് ഒരു സമ്പൂർണ്ണ തകർച്ചയിലേക്കാണ് രാജ്യത്തെ നയിക്കുന്നത് എന്ന സൂചനയാണ് പുറത്തു വരുന്നത്.
