ഭാരതം മാറി, ലോകത്തിന്റെ വീക്ഷണവും; ഇന്ന് ആഗോളതലത്തില്‍ ഒരു പ്രധാന വിഷയം പോലും നമ്മളോട് കൂടിയാലോചിക്കാതെ തീരുമാനിക്കില്ല: എസ്. ജയശങ്കര്‍

നാഗ്പൂര്‍: ലോകത്തെ ഒരു പ്രധാന വിഷയവും ഭാരതവുമായി കൂടിയാലോചിക്കാതെ തീരുമാനിക്കുന്നില്ലെന്ന് വിദേശകാര്യ മന്ത്രി എസ് ജയശങ്കര്‍ പറഞ്ഞു. ഇന്ത്യ മാറി, ലോകത്തിന്റെ വീക്ഷണവും, ഇന്ന് പല രാജ്യങ്ങളും നമ്മുടെ പ്രാമുഖ്യവും ശക്തിയും സ്വാധീനവും മനസിലാക്കികഴിഞ്ഞുവെന്നും അദേഹം പറഞ്ഞു.

സ്വാതന്ത്രമായി നിലനില്‍ക്കുക എന്നത് ഇന്ത്യയുടെ സ്വഭാവമാണ്, അതുകൊണ്ടുതന്നെ മറ്റൊരാളുടെ അനുബന്ധ സ്ഥാപനമോ സംരംഭമോ ആകുന്നതിന് പകരം വ്യത്യസ്ത ആളുകളുമായി രാജ്യത്തെ സര്‍ക്കാരിന് അതിന്റെ താല്‍പ്പര്യങ്ങള്‍ കൈകാര്യം ചെയ്യേണ്ടതുണ്ട്. 10 വര്‍ഷം മുമ്പ് നമ്മള്‍ പത്താമത്തെ വലിയ സമ്പദ്‌വ്യവസ്ഥയായിരുന്നു, എന്നല്‍ ഇപ്പോള്‍ അഞ്ചാമത്തെ വലിയ സമ്പദ്‌വ്യവസ്ഥയി. വളരെ കുറച്ച് വര്‍ഷങ്ങള്‍ക്കുള്ളില്‍ രാജ്യം മൂന്നാമത്തെ വലിയ സമ്പദ്‌വ്യവസ്ഥയാകും. ലോകത്തെ ഒരു പ്രധാന വിഷയം പോലും ഇന്ത്യയുമായി കൂടിയാലോചിക്കാതെ തീരുമാനിക്കില്ല. നമ്മള്‍ മാറി, നമ്മളെക്കുറിച്ചുള്ള ലോകത്തിന്റെ വീക്ഷണവും മാറിയെന്നും എസ്. ജയശങ്കര്‍ പറഞ്ഞു.

പ്രധാനമന്ത്രി നരേന്ദ്ര മോദി അമൃത് കാലിനെക്കുറിച്ച് സംസാരിക്കുമ്പോള്‍ ഈ കഴിഞ്ഞ 10 വര്‍ഷത്തെ പ്രവര്‍ത്തനം അതിന് പ്രതിഫലനമാണ്. ഈ 10 വര്‍ഷത്തിനുള്ളില്‍, അടുത്ത 25 വര്‍ഷത്തെക്കുള്ള കെട്ടിടങ്ങളാണ് നിര്‍മ്മിക്കപ്പെടുന്നത്. വിരുദ്ധ താല്‍പ്പര്യങ്ങളുള്ള രാജ്യങ്ങള്‍ അടങ്ങുന്ന ക്വാഡ്, ബ്രിക്‌സ് തുടങ്ങിയ ഗ്രൂപ്പുകളുടെ ഭാഗമാകാന്‍ ഭാരതത്തിന് എങ്ങനെ കഴിയുന്നു എന്ന ചോദ്യത്തിന്, ഇന്ത്യ സ്വതന്ത്രമാണെന്നും വ്യത്യസ്ത ആളുകളുമായി ഇടപഴകിക്കൊണ്ട് നമ്മുടെ താല്‍പ്പര്യങ്ങള്‍ എങ്ങനെ കൈകാര്യം ചെയ്യണമെന്ന് പഠിക്കേണ്ടതുണ്ടെന്നും മന്ത്രി പറഞ്ഞു.

MUST WATCH CLIPS 🔥🔥 – pic.twitter.com/psz2iYCl69

— Times Algebra (@TimesAlgebraIND) January 13, 2024

നമ്മള്‍ കുറഞ്ഞത് 5,000 വര്‍ഷം പഴക്കമുള്ള ഒരു സംസ്‌കാരമാണ്, ഏറ്റവും ജനസംഖ്യയുള്ള നാഗരികതയാണ്, ഭൂപ്രദേശത്തില്‍ പോലും ലോകത്തിലെ ഏറ്റവും വലിയ രാജ്യങ്ങളിലൊന്നാണ്, ലോകത്തിലെ അഞ്ചാമത്തെ വലിയ സമ്പദ്‌വ്യവസ്ഥയാണ്. നമ്മുടെ സ്വഭാവം സ്വതന്ത്രമാണ്. ഭാരതം മറ്റൊരാളുടെ അനുബന്ധ സ്ഥാപനത്തിന്റെയോ എന്റര്‍പ്രൈസിന്റെയോ ഭാഗമാകാന്‍ കഴിയില്ല, പാടില്ല. നാം സ്വതന്ത്രരായതിനാല്‍, വ്യത്യസ്ത ആളുകളുമായി ഇടപഴകുന്നതിലൂടെ രാജ്യ താല്‍പ്പര്യങ്ങള്‍ എങ്ങനെ കൈകാര്യം ചെയ്യാമെന്ന് പഠിക്കേണ്ടതുണ്ട്.

10 വര്‍ഷം മുമ്പ് മൂന്നോ നാലോ മെട്രോ സംവിധാനങ്ങളുണ്ടായിരുന്ന ഒരു രാജ്യത്ത് ഇന്ന് ഇരുപതോളം മെട്രോ സംവിധാനങ്ങളുണ്ട്. കഴിഞ്ഞ 10 വര്‍ഷമായി ഈ രാജ്യത്ത് ഓരോ ദിവസവും രണ്ട് പുതിയ കോളേജുകള്‍ തുറക്കുന്നു. എല്ലാ ഇന്ത്യക്കാര്‍ക്കും ലോകം വിദൂരമല്ല. അത് നമ്മിലേക്ക് വന്നിരിക്കുന്നു, ലോകം നമ്മിലേക്ക് വരുന്നതിന്റെ ഒരു അടയാളമായിരുന്നു കോവിഡ് കാലത്ത് കണ്ടതെന്നും വിദേശകാര്യ മന്ത്രി പറഞ്ഞു.