ന്യൂദല്ഹി:കോണ്ഗ്രസിന് 2024ല് യാതൊരു രക്ഷയുമില്ലെന്നും തീര്ച്ചയായും ബിജെപി ജയിക്കുമെന്നും തെരഞ്ഞെടുപ്പ് തന്ത്രജ്ഞനായ പ്രശാന്ത് കിഷോര്.
രാഹുല് ഗാന്ധിയ്ക്ക് പകരം ബദല് നേതാവിനെ നിശ്ചയിച്ചില്ലെങ്കില് കാര്യങ്ങള് കൂടുതല് പരുങ്ങലിലാകുമെന്നും പ്രശാന്ത് കിഷോര് പറയുന്നു. “കര്ണ്ണാടകയിലും തെലുങ്കാനയിലും കോണ്ഗ്രസ് ജയിച്ചതില് അത്ഭുതപ്പെടാനില്ല. കാരണം ഇരു സംസ്ഥാനങ്ങളിലും ഭരണവിരുദ്ധ വികാരങ്ങളാണ് കോണ്ഗ്രസിനെ ജയിപ്പിച്ചത്”.- പ്രശാന്ത് കിഷോര് പറഞ്ഞു.
അതേ സമയം 2024ല് ബിജെപി ജയിക്കുമെന്ന് ഉറപ്പാണ്. ഹിന്ദി ഹൃദയഭൂമിയിലെ ബിജെപിയുടെ വിജയത്തിന് പിന്നില് നാല് കാര്യങ്ങളുണ്ടെന്ന് പ്രശാന്ത് കിഷോര് പറയുന്നു.
1. ഹിന്ദുത്വം 2.ദേശീയത 3.ആസൂത്രിത കര്മ്മശേഷി 4.ലാഭാര്ത്ഥി യോജന (അവകാശിക്ക് ധനസഹായം നേരിട്ട് കിട്ടുന്ന പദ്ധതി) എന്നിവയാണ് ഇവയെന്ന് പ്രശാന്ത് കിഷോര് പറയുന്നു.
