പത്തനംതിട്ട : എസ്എഫ്ഐക്കാരുടെ മര്ദ്ദനമേറ്റതില് പരാതി നല്കിയ വിദ്യാര്ത്ഥിനിക്കെതിരെ മറ്റൊരു കേസ് രജിസ്റ്റര് ചെയ്ത് ആറന്മുള പോലീസ്. കടമ്മനിട്ട മൗണ്ട് സിയോണ് കോളജിലെ മൂന്നാംവര്ഷ എല്എല്ബി വിദ്യാര്ത്ഥിനിക്ക് എതിരെയാണ് പോലീസ് കേസെടുത്തത്.
നാലു ദിവസം മുമ്പ് കോളേജില്വെച്ച് എസ്എഫ്ഐ പ്രവര്ത്തകരില്നിന്നും പെണ്കുട്ടിക്ക് മര്ദനമേറ്റിരുന്നു. സംഭവത്തില് പെണ്കുട്ടി പോലീസില് പരാതി നല്കുകയും ചെയ്തു. ജനറല് ആശുപത്രിയില് ചികിത്സ തേടിയ പെണ്കുട്ടിയില്നിന്നും മൊഴി എടുത്തതല്ലാതെ തുടര് നടപടിയൊന്നുമുണ്ടായില്ല.
ഇതോടെ പെണ്കുട്ടി യൂത്ത് കോണ്ഗ്രസ് പ്രവര്ത്തകര്ക്കൊപ്പം ആറന്മുള പോലീസ് സ്റ്റേഷനിലെത്തി പ്രതിഷേധിച്ചു. ഇതോടെയാണ് എസ്എഫ്ഐക്കാര്ക്കെതിരെ എഫ്ഐആര് ഇടാന് പോലീസ് തയ്യാറായത്. എന്നാല് പിന്നാലെ തന്നെ സംഭവത്തില് പ്രതിഷേധിച്ച യൂത്ത് കോണ്ഗ്രസ്സുകാര്ക്കെതിരെ പോലീസ് ജാമ്യമില്ലാ വകുപ്പ് പ്രകാരം കേസെടുത്തു. പെണ്കുട്ടിക്കെതിരേയും കേസ് രജിസ്റ്റര് ചെയ്തു.
