ന്യൂദല്‍ഹി: ദേശീയ അന്വേഷണ ഏജന്‍സി (എന്‍ഐഎ) ദക്ഷിണേന്ത്യയിലെ 19 സ്ഥലങ്ങളില്‍ തിരച്ചില്‍ നടത്തിയതായി വൃത്തങ്ങള്‍ അറിയിച്ചു. ഇന്ന് രാവിലെ മുതലാണ് റെയ്ഡ് ആരംഭിച്ചത്. സംസ്ഥാന പോലീസ് സേനയുമായി അടുത്ത ഏകോപനത്തോടെയാണ് ഭീകരവാദ വിരുദ്ധ ഏജന്‍സി ഈ റെയ്ഡുകള്‍ നടത്തുന്നത്.
അതേസമയം എവിടെയൊക്കെയാണ് റെയ്ഡ് നടത്തുന്നതെന്നൊ ഏതു സംഘടനയുടെ ആളുകള്‍ക്കായി ആണ് തെരച്ചില്‍ നടത്തുന്നതെന്നൊ വ്യക്തമല്ല. എന്‍ഐഎ പരിശോധിച്ച 19 സ്ഥലങ്ങളില്‍ ഭൂരിഭാഗവും ജിഹാദി ഗ്രൂപ്പുമായി ബന്ധമുള്ളവരുമായി ബന്ധപ്പെട്ടതാണ്. പ്രാദമിക വിവരങ്ങള്‍ പ്രകാരം ഭീകരവാദി സംഘം ഇന്ത്യാ വിരുദ്ധ പ്രവര്‍ത്തനങ്ങളില്‍ ഏര്‍പ്പെട്ടിരിക്കുകയാണെന്നും ആക്രമണങ്ങള്‍ ആസൂത്രണം ചെയ്യാനും യുവാക്കളെ റിക്രൂട്ട് ചെയ്യാനും പഠിച്ചിട്ടുണ്ടെന്നും വൃത്തങ്ങള്‍ പറഞ്ഞു.
ലഷ്‌കര്‍-ഇ-തൊയ്ബ ഭീകരന്‍ തടവുകാരെ തീവ്രവാദികളാക്കിയതുമായി ബന്ധപ്പെട്ട കേസില്‍ കര്‍ണാടകയിലെ ബെംഗളൂരുവിലുടനീളം ഒന്നിലധികം സ്ഥലങ്ങളില്‍ എന്‍ഐഎ റെയ്ഡ് നടത്തിയതിന് ദിവസങ്ങള്‍ക്ക് ശേഷമാണ് ഈ നീക്കം. കേസില്‍ എന്‍ഐഎ തുടരുന്ന അന്വേഷണത്തിന്റെ ഭാഗമായി ഡിസംബര്‍ 13ന് കേസില്‍ ഒരാള്‍ ഒളിവിലുള്ള നാല് പ്രതികളുടെ വീടുകള്‍ ഉള്‍പ്പെടെ ആറ് സ്ഥലങ്ങളില്‍ വിപുലമായ തിരച്ചില്‍ നടത്തി.
തിരച്ചില്‍ നടത്തിയ മറ്റ് സ്ഥലങ്ങള്‍ രണ്ട് പ്രതികളുമായി ബന്ധമുള്ളതാണ്. മുഹമ്മദ് ഉമര്‍, മുഹമ്മദ് ഫൈസല്‍ റബ്ബാനി, തന്‍വീര്‍ അഹമ്മദ്, മുഹമ്മദ് ഫാറൂഖ് എന്നിവരുടെ സ്ഥലങ്ങളില്‍ നടത്തിയ റെയ്ഡില്‍ നിരവധി ഡിജിറ്റല്‍ ഉപകരണങ്ങളും വിവിധ രേഖകളും 7.3 ലക്ഷം രൂപയും എന്‍ഐഎ സംഘം പിടിച്ചെടുത്തു. ജുനൈദ് അഹമ്മദ് ഒളിവിലാണ്. ഐപിസിയുടെ വിവിധ വകുപ്പുകള്‍, 1967ലെ യുഎ(പി) ആക്ട്, 1884ലെ സ്‌ഫോടകവസ്തു നിയമം എന്നിവ പ്രകാരം രജിസ്റ്റര്‍ ചെയ്ത കേസില്‍ മൂന്ന് പ്രതികള്‍ ഇപ്പോള്‍ ഒളിവിലാണ്.
