കോഴിക്കോട്: ഓര്ക്കാട്ടേരിയിലെ ഭര്തൃവീട്ടില് ഷബ്ന ആത്മഹത്യ ചെയ്ത സംഭവത്തില് ഭര്ത്താവ് ഹബീബിന്റെയും സഹോദരിയുടേയും മുന്കൂര് ജാമ്യാപേക്ഷ കോഴിക്കോട് ജില്ലാ കോടതി തള്ളി. റിമാന്റില് കഴിയുന്ന ഭര്തൃ മാതാവ് നബീസയുടേയും അമ്മാവന് ഹനീഫയുടെയും ജാമ്യാപേക്ഷയും കോടതി തള്ളി.
എന്നാല് ഭര്തൃപിതാവിന് പ്രായം പരിഗണിച്ച് കോടതി മുന്കൂര് ജാമ്യം അനുവദിച്ചു. ഭര്ത്താവിന്റെ അമ്മാവന് ഷബ്നയെ മര്ദ്ദിക്കുന്ന ദൃശ്യങ്ങള് പുറത്തുവന്നിരുന്നു. ഇയാള് മര്ദ്ദിച്ചതിന് പിന്നാലെയാണ് ഷബ്ന ആത്മഹത്യ ചെയ്തത്.
ആയഞ്ചേരി സ്വദേശിനിയാണ്ഷബ്ന.കേസില് ഭര്ത്താവിന്റെ അമ്മാവനായ ഹനീഫയെ മാത്രമായിരുന്നു പൊലീസ് ആദ്യം പ്രതി ചേര്ത്തിരുന്നത്. ഇതില് പ്രതിഷേധം ശക്തമായതതോടയാണ് ഷബ്നയുടെ ഭര്തൃപിതാവ് മഹമൂദ് ഹാജി, മാതാവ് നബീസ, സഹോദരി ഹഫ്സത്ത് എന്നിവരെ കേസില് പ്രതി ചേര്ത്തത്. ഗാര്ഹിക പീഡന നിരോധനനിയമം, സ്ത്രീധന നിരോധന നിയമം, ആത്മഹത്യാ പ്രേരണാ കുറ്റം തുടങ്ങിയ വകുപ്പുകളാണ് ചുമത്തിയത്.
ഷബ്നയുടെ ആത്മഹത്യയില് പൊലീസ് കര്ശന നടപടി സ്വീകരിക്കണമെന്ന് വനിതാ കമ്മീഷന് ആവശ്യപ്പെട്ടിരുന്നു.
