ശബരിമല: ശബരിമല ദര്ശനത്തിനെത്തിയ തീര്ത്ഥാടകരെ പമ്പയില് എത്തിച്ച് നിലയ്ക്കലിലേക്ക് മടങ്ങുകയായിരുന്ന കാര് കൊക്കയിലേക്ക് മറിഞ്ഞു. ഡ്രൈവര് നിസാര പരിക്കുകളോടെ രക്ഷപ്പെട്ടു.
ചൊവ്വാഴ്ച ഉച്ചയ്ക്ക് 12.40 ഓടെ ആയിരുന്നു സംഭവം. നിയന്ത്രണം നഷ്ടപ്പെട്ട ക്വാളിസ് കാര് അട്ടത്തോടിന് സമീപത്തെ 20 അടിയോളം താഴ്ചയുള്ള കൊക്കയിലേക്ക് മറിയുകയായിരുന്നു. തുടര്ന്ന് മോട്ടോര് വാഹന വകുപ്പും പോലീസും ചേര്ന്ന് ക്രെയിനും വടവും ഉപയോഗിച്ച് കാര് കരയ്ക്ക് എത്തിക്കുകയായിരുന്നു. ഡ്രൈവര് ഉറങ്ങിപ്പോയതാവാം അപകടകാരണമെന്ന് പോലീസ് പറഞ്ഞു.
