ശബരിമല: ശബരിമലയില് വന് ഭക്തജനത്തിരക്ക്. തീര്ത്ഥാടകരുടെ എണ്ണം കുത്തനെ ഉയര്ന്നതോടെ പമ്പയില് നിന്ന് ശരണപാതയിലൂടെ വരുന്ന തീര്ത്ഥാടകരെ ഘട്ടം ഘട്ടമായാണ് സന്നിധാനത്തേയ്ക്ക് കടത്തി വിടുന്നത്. ഇന്നലെയും ഇന്നും വെര്ച്ചല്ക്യൂ ബുക്കിങ് പൂര്ണമാണ്. 90,000 പേരാണ് ഇന്നലെ വെര്ച്ചല് ക്യൂ ബുക്ക് ചെയ്തിരിക്കുന്നത്.
ഇതിന് പുറമേ സ്പോട്ട് ബുക്കിങിലൂടെയും തീര്ത്ഥാടകര്ക്ക് സന്നിധാനത്തേയ്ക്ക് എത്താം. 10,000 തീര്ത്ഥാടകര്ക്കാണ് ഒരു ദിവസം സ്പോട്ട് ബുക്കിങ്ങുള്ളത്. എന്നാല് അധിലധികം ആളുകള് എത്തുന്നുണ്ടെന്നാണ് വിവരം. ഇതിന് പുറമെ പുല്മേട് വഴി വരുന്ന തീര്ത്ഥാടകരും സന്നിധാനത്തേയ്ക്ക് എത്തുന്നുണ്ട്.
