പാലക്കാട് : ഭരണം നടത്തിയ രാജസ്ഥാനിലും ഛത്തീസ്ഗഢിലും മെച്ചപ്പെട്ട തോതില് സീറ്റുണ്ടായിരുന്ന മധ്യപ്രദേശിലും കോണ്ഗ്രസിനേറ്റ പരാജയ കാരണം പാര്ട്ടിക്കുളളിലെ തമ്മിലടിയാണെന്ന് മന്ത്രി പി എ മുഹമ്മദ് റിയാസ്.ചില കോണ്ഗ്രസ് നേതാക്കള് ബിജെപിയുടെ ഏജന്റുമാരാണെന്ന് റിയാസ് ഫേസ്ബുക്കില് കുറിച്ചു.
വര്ഗീയതക്കെതിരെ മതനിരപേക്ഷ കാഴ്ചപ്പാട് തുടരാന് കോണ്ഗ്രസിന് കഴിയാത്ത സ്ഥിതിയാണ്. ഇനിയെങ്കിലും തോല്വിയില് കോണ്ഗ്രസ് പാഠം ഉള്കൊള്ളണം.ലോക്സഭാ തെരഞ്ഞെടുപ്പിന് മുമ്പുളള സെമിഫൈനലെന്ന് വിലയിരുത്തപ്പെട്ട നിയമസഭാ തെരഞ്ഞെടുപ്പുകളുടെ ഫലം വരുമ്പോള് കോണ്ഗ്രസിന്തകര്ച്ചയുടെ വക്കിലാണ്. രാജസ്ഥാനിലും മധ്യപ്രദേശിലും ബിജെപി മുന്നിട്ടു നില്ക്കുമ്പോള് തെലങ്കാനയില് മാത്രമാണ് വിജയം നേടാനായത്.
രാജസ്ഥാനിലും മധ്യപ്രദേശിലും ഛത്തീസ്ഗഢിലും ബിജെപി മുന്നേറ്റമാണ്. മൂന്ന് സംസ്ഥാനങ്ങളിലും ബിജെപിയാണ് മുന്നില്. തെലങ്കാനയില് മാത്രമാണ് കോണ്ഗ്രസിന് ആശ്വസിക്കാന് വകയുളളത്.
