തിരുവനന്തപുരം: കേരളത്തിലെ സ്വര്ണവില ചരിത്രത്തിലെ ഏറ്റവും ഉയര്ന്ന നിരക്ക് രേഖപ്പെടുത്തി. ഇന്ന് മാത്രം പവന് 600 രൂപയാണ് വര്ദ്ധിച്ചത്.
ഗ്രാമിന് 75 രൂപ ഉയര്ന്ന് 5810 രൂപയായി, ഒരു പവന് സ്വര്ണത്തിന്റെ ഇന്നത്തെ വിപണി നിരക്ക് 46,480 രൂപയാണ്. അന്താരാഷ്ട്ര സ്വര്ണ്ണവില ട്രോയ് ഔണ്സിന് 2045 ഡോളറും, ഇന്ത്യന് രൂപയുടെ വിനിമയ നിരക്ക് 83.29 ആണ്.
അതേസമയം ഒരു ഗ്രാം 18 കാരറ്റ് സ്വര്ണത്തിന്റെ വില 4820 രൂപയുമാണ്. എന്നാല് വെള്ളിയുടെ വിലയ്ക്ക് മാറ്റമില്ല. ഒരു ഗ്രാം സാധാരണ വെള്ളിയുടെ വില 82 രൂപയാണ്. ഒരു ഗ്രാം ഹാള്മാര്ക്ക് വെള്ളിയുടെ വിപണി വില 103 രൂപയാണ്. ചൈനയില് പുതിയ പനി പുറപ്പെട്ടു എന്നുള്ള വാര്ത്തയും സ്വര്ണ്ണവില കുതിക്കുന്നതിന് കാരണമായി.
