കൊച്ചി: കോട്ടയത്ത് ചീഫ് ജുഡിഷ്യല് മജിസ്ട്രേട്ടിനെതിരെ പ്രതിഷേധിക്കുകയും മുദ്രാവാക്യം വിളിക്കുകയും ചെയ്ത സംഭവത്തില് കോട്ടയം ബാര് അസോസിയേഷന് പ്രസിഡന്റ് അഡ്വ. കെ.എ. പ്രസാദ്, സെക്രട്ടറി അഡ്വ. ടോമി. കെ. ജയിംസ് എന്നിവരുള്പ്പെടെ 29 അഭിഭാഷകര്ക്കെതിരെ ഹൈക്കോടതി സ്വമേധയാ ക്രിമിനല് കോടതിയലക്ഷ്യക്കേസ് എടുത്തു.
കോടതിയലക്ഷ്യക്കേസിന്റെ പകര്പ്പ് കോടതിയലക്ഷ്യ നിയമത്തിലെ വ്യവസ്ഥകള് പ്രകാരം അഡ്വക്കേറ്റ് ജനറല് കെ. ഗോപാലകൃഷ്ണക്കുറുപ്പിന് നല്കാന് ജസ്റ്റിസ് അനില്. കെ. നരേന്ദ്രന്, ജസ്റ്റിസ് ജി. ഗിരീഷ് എന്നിവരുള്പ്പെട്ട ഡിവിഷന് ബെഞ്ച് ഹൈക്കോടതി രജിസ്ട്രിക്ക് നിര്ദേശം നല്കി. കേസ് നവം. 30 ന് പരിഗണിക്കും.
ഒരു കേസില് പ്രതിക്ക് ജാമ്യം ലഭിക്കുന്നതിന് വ്യാജ രേഖ ഹാജരാക്കിയെന്ന ആരോപണത്തില് പ്രതിക്കു വേണ്ടി ഹാജരായ അഭിഭാഷകനെതിരെ കേസെടുക്കാന് സിജെഎം കോടതി നിര്ദേശിച്ചിരുന്നു. തുടര്ന്നാണ് അഭിഭാഷകര് മജിസ്ട്രേട്ടിനെതിരെ പ്രതിഷേധിച്ചത്. മജിസ്ട്രേട്ടിനെതിരെയുള്ള പ്രതിഷേധത്തിന്റെയും മുദ്രാവാക്യം വിളിയുടെയും ദൃശ്യങ്ങളും മജിസ്ട്രേട്ട് നല്കിയ റിപ്പോര്ട്ടും പരിഗണിച്ചാണ് ഹൈക്കോടതി സ്വമേധയാ കേസെടുക്കാന് തീരുമാനിച്ചത്. അഭിഭാഷകര്ക്കെതിരെയുള്ള ആരോപണം ഗൗരവമുള്ളതാണെന്നും ഹൈക്കോടതി പറഞ്ഞു. സംഭവത്തില് അന്വേഷണം നടത്തി റിപ്പോര്ട്ട് നല്കാന് കേരള ബാര് കൗണ്സില് അഞ്ചംഗ സമിതിയെ നിയോഗിച്ചിരുന്നു.
