കോഴിക്കോട്: പാളയത്തെ പഴം-പച്ചക്കറി മാർക്കറ്റ് കല്ലുത്താൻകടവിലേക്ക് മാറ്റുന്നതിനുള്ള നീക്കത്തിൽ ഇന്ന് നിർണായക യോഗം നടക്കും. ഇന്ന് ഉച്ചയ്‌ക്ക് രണ്ടിന് മേയറുടെ അദ്ധ്യക്ഷതയിലാണ് യോഗം. വ്യാപാരികളുമായാണ് ചർച്ച നടക്കുക. മാർക്കറ്റ് മാറ്റുന്നതിന് എതിരെ വ്യാപാരികൾ രംഗത്തെത്തിയിരുന്നു. ഇതേ തുടർന്നാണ് യോഗം.
പാളയം മാർക്കറ്റ് മാറ്റാൻ അനുവദിക്കില്ലെന്ന് ഉറച്ച നിലപാടിലാണ് വ്യാപാരികൾ. മാർക്കറ്റ് കല്ലുത്താൻകടവിലേക്ക് മാറ്റുന്നതോടെ വ്യാപാരത്തെ പ്രതികൂലമായി ബാധിക്കുമെന്നാണ് വ്യാപാരികൾ ഉന്നയിക്കുന്നത്. ജനുവരിയോടെ മാർക്കറ്റ് പുതിയ കെട്ടിടത്തിലേക്ക് മാറ്റാനാണ് കോർപ്പറേഷന്റെ തീരുമാനം. പുതിയ കെട്ടിടത്തിന്റെ നിർമ്മാണ പ്രവർത്തനം അന്തിമ ഘട്ടത്തിലാണ്.
