തിരുവനന്തപുരം: കണ്ടല സഹകരണ ബാങ്ക് ക്രമക്കേടില് അറസ്റ്റിലായ മുന് പ്രസിഡന്റ് ഭാസുരാംഗന്റെ മകന് അഖില്ജിത്തിനെ ഇ.ഡി കസ്റ്റഡിയിലെടുത്തു. കണ്ടല സഹകരണ ബാങ്കിന്റെ മാറനല്ലൂരിലെ ബ്രാഞ്ചില് ഇയാളെ ചോദ്യം ചെയ്തുവരുകയായിരുന്നു.
ടൗണ് ബ്രാഞ്ചില് നിന്ന് അഖില്ജിത്തിനെ കണ്ടല സഹകരണ ബാങ്കിലേക്ക് എത്തിച്ച് അവിടത്തെ ജീവനക്കാര്ക്കൊപ്പമിരുത്തി ചോദ്യം ചെയ്യുകയാണ്. അതേസമയം ദേഹാസ്വാസ്ഥ്യത്തെ തുടര്ന്ന് ഭാസുരാംഗനെ ആശുപത്രിയില് പ്രവേശിപ്പിച്ചു.
ക്രമക്കേടിലെ തുടര്ന്ന് ആറിടങ്ങളിലാണ് ഇ ഡി പരിശോധന നടത്തിയത്. മുന് സെക്രട്ടറിമാരുടെ വീട്ടിലും പരിശോധന നടത്തി.കഴിഞ്ഞ 30 വര്ഷത്തിലേറെയായി സിപിഐ നേതാവായ എന് ഭാസുരാംഗനാണ് ബാങ്ക് പ്രസിഡന്റ്. അടുത്തിടെയാണ് ഭരണ സമിതി രാജിവെച്ചത്. മില്മ തെക്കന് മേഖല അഡ്മിനിസ്ട്രേറ്ററാണ് നിലവില് ഭാസുരാംഗന്.
കണ്ടല ബാങ്കില് കണ്ടെത്തിയത് 101 കോടി രൂപയുടെ ക്രമക്കേടാണ് .നിലവില് അഡ്മിനിസട്രേറ്റീവ് ഭരണമാണ് നടക്കുന്നത്.
