പുളിക്കുന്ന് (ആലപ്പുഴ): 39-ാമത് കേരള സംസ്ഥാന യൂത്ത് ബാസ്‌ക്കറ്റ് ബോള്‍ ടിപ്പ് ഇന്ന് പുളിക്കുന്ന് സൈന്റ്‌റ് ജോസഫ്‌സ് എച്ച്എസ്എസ് ഇന്‍ഡോര്‍ സ്റ്റേഡിയത്തില്‍ തുടക്കമായി. ലീഗ് കം നോക്കൗട്ട് അടിസ്ഥാനത്തില്‍ നടക്കുന്ന അഞ്ച് ദിവസത്തെ ടൂര്‍ണമെന്റില്‍ ആണ്‍കുട്ടികളിലും പെണ്‍കുട്ടികളിലുമായി 14 ജില്ലാ ടീമുകള്‍ മാറ്റുരക്കുന്നു.
ആണ്‍കുട്ടികളില്‍ കോട്ടയവും പെണ്‍കുട്ടികളില്‍ എറണാകുളവുമാണ് നിലവിലെ ചാമ്പ്യന്മാര്‍. ആദ്യദിനദില്‍ ആണ്‍കുട്ടികളുടെ മത്സരങ്ങളില്‍ ഇടുക്കി വയനാടിനെയും എറണാകുളം 41-11ന് പാലക്കാടിനെയും പരാജയപ്പെടുത്തി.
പെണ്‍കുട്ടികളുടെ വിഭാഗത്തില്‍ കോട്ടയം പാലക്കാടിനെയും(30-16) കൊല്ലം പത്തനംതിട്ടയെയും(31-9) തോല്‍പ്പിച്ചു. ടൂര്‍ണമെന്റില്‍ ഇന്ന് രാവിലെ 10-ന് കുട്ടനാട് എം.എല്‍.എ തോമസ് കെ.തോമസ് സംസ്ഥാന യൂത്ത് ബാസ്‌ക്കറ്റ്‌ബോള്‍ ഔദ്യോഗികമായി ഉദ്ഘാടനം ചെയ്യും.
