ചെന്നൈ: തമിഴ്നാട്ടിൽ നവദമ്പതികളെ വീട്ടിൽ കയറി വെട്ടിക്കൊലപ്പെടുത്തി. 23-കാരനായ മാരിശെൽവവും 21-കാരി കാർത്തികയുമാണ് മരിച്ചത്. തൂത്തുക്കുടിയിലാണ് സംഭവം. വിവാഗഹം കഴിഞ്ഞ് മൂന്നാം ദിനമാണ് നവദമ്പതികൾ കൊലചെയ്യപ്പെട്ടത്. പെൺകുട്ടിയുടെ വീട്ടുകാരുടെ എതിർപ്പ് അവഗണിച്ച് വിവാഹം ചെയ്തതാണ് കൊലപാതകത്തിലേക്ക് നയിച്ചതെന്നാണ് വിവരം.
ഈ കഴിഞ്ഞ ഒക്ടോബർ 30-നാണ് ഇരുവരും വിവാഹിതരാകുന്നത്. എന്നാൽ വിവാഹം പെൺകുട്ടിയുടെ വീട്ടുകാർ എതിർത്തിരുന്നതായി പോലീസ് പറയുന്നു. കഴിഞ്ഞ ദിവസം വൈകിട്ട് 6.45-ഓടെയായിരുന്നു സംഭവം. ഒരു സംഘം ആളുകൾ ഇവർ താമസിക്കുന്ന വീട്ടിലെത്തി ദമ്പതികളെ വെട്ടിക്കൊലപ്പെടുത്തുകയായിരുന്നു.
