തിരുവനന്തപുരം: ബിജെപി ജില്ലാകമ്മിറ്റി അംഗവും തിരുവനന്തപുരം കോര്‍പ്പറേഷന്‍ വെള്ളാര്‍ വാര്‍ഡ് കൗണ്‍സിലറുമായ കേരള ആര്‍ട്‌സ് ആന്‍ഡ് ക്രാഫ്റ്റ് വില്ലേജിന് സമീപം ആറാംകല്ല് വിശ്വലീലയില്‍ നെടുമം വി.മോഹനന്‍(62) അന്തരിച്ചു.
വൃക്ക സംബന്ധമായ അസുഖത്തെ തുടര്‍ന്ന് ഏറെ നാളായി ചികിത്സയിലായിരുന്നു. കഴിഞ്ഞ ദിവസം തിരുവനന്തപുരം മെഡിക്കല്‍ കോളേജില്‍ ഡയാലിസിസിന് വിധേയമാക്കിയിരുന്നു. ഇതിനിടയില്‍ ഹൃദയാഘാതത്തെ തുടര്‍ന്നാണ് ബുധനാഴ്ച രാത്രിയാണ് അന്ത്യം സംഭവിച്ചത്. ഏഴു തവണ കോര്‍പ്പറേഷന്‍ കൗണ്‍സിലര്‍ ആയിരുന്നു.
ഭൗതികശരീരം ഇന്നലെ ഉച്ചയ്‌ക്ക് 12 ന് നഗരസഭ കാര്യാലയത്തില്‍ പൊതുദര്‍ശനത്തിന് വച്ചു. തുടര്‍ന്ന് വിലാപയാത്രയായി വെള്ളാറിലെ വീട്ടിലെത്തിച്ചു. രാഷ്‌ട്രീയ സാംസ്‌കാരിക രംഗത്തെ പ്രമുഖര്‍ അന്തിമോപചാരമര്‍പ്പിച്ചു. വൈകിട്ട് 4.30ന് വീട്ടുവളപ്പില്‍ മൃതദേഹം സംസ്‌കരിച്ചു. വാഴമുട്ടം മംഗലശ്ശേരിയില്‍ പരേതരായ വിശ്വംഭരന്റെയും ലീലയുടെയും മകനാണ് മോഹനന്‍. സിന്ധുവാണ് ഭാര്യ. മക്കള്‍ ഗ്രീഷ്മാ മോഹന്‍, ഡോ. ഗ്രീജിത്ത് മോഹന്‍ മരുമകന്‍ ശരത്. സഞ്ചയനം ഞായറാഴ്ച രാവിലെ 8.30ന്.
