ന്യൂദല്ഹി : ആസാദി കാ അമൃത് മഹോത്സവത്തില് രാജ്യം നിരവധി ചരിത്ര നേട്ടങ്ങള് കൈവരിച്ചിട്ടുണ്ടെന്നും 2047 ഓടെ ഇന്ത്യയെ വികസിത രാഷ്ട്രമാക്കി മാറ്റുന്നതിനുള്ള അമൃത് കാലിന്റെ യാത്ര ആരംഭിക്കണമെന്നും പ്രധാനമന്ത്രി നരേന്ദ്ര മോദി . ന്യൂദല്ഹിയിലെ കര്ത്തവ്യ പഥില് മേരി മാട്ടി മേരാ ദേശ് കാമ്പെയ്നിന്റെ അമൃത് കലാഷ് യാത്രയുടെ സമാപന ചടങ്ങില് സംസാരിക്കുകയായിരുന്നു അദ്ദേഹം.രാഷ്ട്രത്തെ മുന്നോട്ട് കൊണ്ടുപോകുന്നതില് ഇന്ത്യയുടെ കൂട്ടായ മനോഭാവത്തിന്റെ ശക്തിയാണ് മേരി മാട്ടി മേരി ദേശ് കാമ്പയിന് വ്യക്തമാക്കുന്നതെന്ന് മോദി പറഞ്ഞു. ചാന്ദ്ര ദൗത്യം, വന്ദേ ഭാരത് ട്രെയിനുകള്, രാജ്യം അഞ്ചാമത്തെ വലിയ സമ്പദ്വ്യവസ്ഥയായി മാറുന്നത് എന്നിവയുള്പ്പെടെ അമൃത് മഹോത്സവത്തില് നേടിയ വിജയങ്ങള് അദ്ദേഹം എടുത്തുപറഞ്ഞു. ഇന്ത്യയിലെ ജനങ്ങള് അമൃത് മഹോത്സവിനെ ഒരു ജനകീയ പ്രസ്ഥാനമാക്കി മാറ്റിയെന്നും പ്രധാനമന്ത്രി പറഞ്ഞു.
‘ദണ്ഡി യാത്ര’ ജനങ്ങളെ ഒന്നിപ്പിച്ചെന്നും അതുപോലെ ‘ആസാദി കാ അമൃത് മഹോത്സവം’ ജനപങ്കാളിത്തത്തില് പുതിയ ചരിത്രം സൃഷ്ടിച്ചെന്നും പ്രധാനമന്ത്രി മോദി പറഞ്ഞു. ‘വികസിത് ഭാരത്’ എന്ന കാഴ്ചപ്പാട് സാക്ഷാത്കരിക്കാനുള്ള തങ്ങളുടെ ശ്രമങ്ങള് ഇരട്ടിയാക്കാന് ആളുകളെ പ്രേരിപ്പിക്കുന്ന, പ്രചോദനത്തിന്റെ ഉറവയായി വിശുദ്ധ മണ്ണ് വര്ത്തിക്കുമെന്നും അദ്ദേഹം കൂട്ടിച്ചേര്ത്തു. ചടങ്ങിനിടെ, രാജ്യത്തിന്റെ എല്ലാ ഭാഗത്തുനിന്നും ശേഖരിച്ച മണ്ണില് നിന്ന് നിര്മ്മിക്കുന്ന അമൃത് വാടികയ്ക്കും അമൃത് മഹോത്സവ് സ്മാരകത്തിനും മോദി തറക്കല്ലിട്ടു. ഇന്നത്തെ ചരിത്ര സംഭവത്തെ അടുത്ത തലമുറയ്ക്ക് ഓര്മ്മപ്പെടുത്താന് ഈ സ്മാരകം സഹായിക്കുമെന്നും അദ്ദേഹം പറഞ്ഞു. രാജ്യത്തുടനീളമുള്ള വൃക്ഷത്തൈകള് ഉപയോഗിച്ച് സ്ഥാപിക്കുന്ന അമൃത് വാടിക, വരും തലമുറയെ ഏക് ഭാരത് ശ്രേഷ്ഠ ഭാരതത്തെക്കുറിച്ച് പഠിപ്പിക്കുമെന്ന് പ്രധാനമന്ത്രി പറഞ്ഞു.
ഇന്ത്യയിലെ യുവാക്കള്ക്ക് എങ്ങനെ സംഘടിപ്പിക്കാനും എല്ലാ ലക്ഷ്യങ്ങളും കൈവരിക്കാനും കഴിയുമെന്നതിന്റെ തത്സമയ ഉദാഹരണമാണ് മേരി മാട്ടി മേരാ ദേശ് അഭിയാന് എന്ന് പ്രധാനമന്ത്രി പറഞ്ഞു. യുവാക്കള്ക്കായി മേരാ യുവ ഭാരത് പ്ലാറ്റ്ഫോമും മോദി ആരംഭിച്ചു. ഇരുപത്തിയൊന്നാം നൂറ്റാണ്ടില് രാഷ്ട്രനിര്മ്മാണത്തില് മൈ ഭാരത് സംഘടന വലിയ പങ്ക് വഹിക്കാന് പോകുകയാണെന്നും അദ്ദേഹം പറഞ്ഞു.
പരിപാടിയില്, മികച്ച പ്രകടനം കാഴ്ചവെച്ച മൂന്ന് സംസ്ഥാനങ്ങള്ക്കും കേന്ദ്ര ഭരണ പ്രദേശങ്ങള്ക്കും മന്ത്രാലയങ്ങള്ക്കും വകുപ്പുകള്ക്കുമുള്ള ആസാദി കാ അമൃത് മഹോത്സവ് അവാര്ഡുകളും പ്രധാനമന്ത്രി സമ്മാനിച്ചു. മികച്ച പ്രകടനം കാഴ്ചവച്ച സംസ്ഥാനങ്ങള് അല്ലെങ്കില് കേന്ദ്ര ഭരണ പ്രദേശങ്ങള് ജമ്മു കശ്മീര്, ഗുജറാത്ത്, ഹരിയാന, രാജസ്ഥാന് എന്നിവയാണ്. വിദേശകാര്യ മന്ത്രാലയം, പ്രതിരോധ മന്ത്രാലയം, റെയില്വേ മന്ത്രാലയം, വിദ്യാഭ്യാസ മന്ത്രാലയം എന്നിവ മികച്ച പ്രകടനം കാഴ്ചവെച്ച മൂന്ന് മന്ത്രാലയങ്ങള്.
പരിപാടിക്കിടെ അമൃത് കലശ യാത്രയ്ക്കിടെ കൊണ്ടുവന്ന മണ്ണ് കൊണ്ട് മോദി നെറ്റിയില് ‘തിലകം’ ചാര്ത്തി. രാജ്യത്തിന് വേണ്ടി പരമോന്നത ത്യാഗം സഹിച്ച ധീരര്ക്കുളള ആദരാഞ്ജലിയാണ് മേരി മാട്ടി മേരാ ദേശ് കാമ്പയിന്. രാജ്യത്തിന്റെ വിവിധ ഭാഗങ്ങളില് നിന്ന് ആയിരക്കണക്കിന് അമൃത് കലശ യാത്രക്കാര് പരിപാടിയില് പങ്കെടുത്തു.
