എറണാകുളം: ആലവുയിൽ അഞ്ച് വയസുകാരിയെ ക്രൂരമായി കൊലപ്പെടുത്തിയ കേസിലെ അന്തിമവാദം ഇന്ന്. പത്താൻ ഷെയ്‌ക്ക് എന്നയാളാണ് കൊലപാതകം നടത്തിയത് എന്നാണ് പ്രതി അസഫാക്ക് ആലത്തിന്റെ മൊഴി. അലഞ്ഞ് തിരിഞ്ഞു നടക്കുന്ന തന്നെ പോലീസ് പ്രതിയാക്കുകയായിരുന്നുവെന്നും അസഫാക്ക് ആരോപിക്കുന്നു. പ്രതിക്കെതിരെ 16 വകുപ്പുകളാണ് ചുമത്തിയിരിക്കുന്നത്.
അസഫാക്ക് ആലം മുമ്പും പീഡനക്കേസിൽ പ്രതിയായിട്ടുണ്ട്. 2018-ൽ ഇയാളെ ഗാസിപൂർ പോലീസ് അറസ്റ്റ് ചെയ്തിരുന്നു. 10 വയസുകാരിയെ പീഡിപ്പിക്കാൻ ശ്രമിച്ചതിനായിരുന്നു അറസ്റ്റ്. ഡൽഹിയിൽ ഒരു മാസം തടവിൽ കഴിഞ്ഞതിന് ശേഷം ജാമ്യത്തിലിറങ്ങി മുങ്ങുകയായിരുന്നു.
അഞ്ച് വയസുകാരിയെ കൊലപ്പെടുത്തിയത് ബലാത്സംഗത്തിനിടെയെന്നാണ് റിമാൻഡ് റിപ്പോർട്ട്. പ്രതി കുട്ടിയെ ഉപദ്രവിക്കുമ്പോൾ കുട്ടി നിലവിളിച്ചെന്നും ഈ സമയത്ത് വായ മൂടിപ്പിടിച്ചെന്നും റിപ്പോർട്ടിൽ വ്യക്തമാക്കുന്നു. ശേഷം കുഞ്ഞിന്റെ തന്നെ മേൽവസ്ത്രം ഉപയോഗിച്ച് കഴുത്ത് മുറുക്കി അബോധാവസ്ഥയിലായപ്പോൾ കൊലപ്പെടുത്തുകയായിരുന്നു.
