റായ്പൂര്: സീറ്റു ലഭിക്കാത്തതിനെ തുടര്ന്ന് ഛത്തീസ്ഗഡിലെ രണ്ട് സിറ്റിങ് എംഎല്എമാര് കോണ്ഗ്രസ് പാര്ട്ടിയില് നിന്ന് രാജിവച്ചത് നേതൃത്വത്തിന് തലവേദനയായി മാറി.
എംഎല്എമാരായ അനൂപ് നാഗ്, ഡോ. വിനയ് ജയ്സ്വാള്, ചിന്താമണി മഹാരാജ് എന്നിവരാണ് രാജിവച്ചത്. കോണ്ഗ്രസ് സീറ്റ് നിഷേധിച്ചാലും തെരഞ്ഞെടുപ്പില് മത്സരിക്കുമെന്ന് മൂവരും പ്രഖ്യാപിച്ചിട്ടുണ്ട്.
സിറ്റിങ് എംഎല്എമാരായ 22 പേര്ക്കാണ് കോണ്ഗ്രസ് ഇത്തവണ സീറ്റ് നിഷേധിച്ചത്. പലരും നേതൃത്വത്തിന്റെ തീരുമാനത്തില് പ്രതിഷേധിച്ച് പാര്ട്ടിക്കെതിരെ രംഗത്തെത്തിയിട്ടുണ്ട്. അനൂപ് നാഗ് എംഎല്എ സ്വതന്ത്രനായി നാമനിര്ദേശ പത്രിക സമര്പ്പിച്ചു.
ബസ്തര് ഡിവിഷനിലെ അന്താഗട്ടില് നിന്നുള്ള എംഎല്എയാണ് അനൂപ്. മനേന്ദ്രഗട്ട് എംഎല്എ വിനയ് ജയ്സ്വാള് ഗോഡ്വാന ഗണതന്ത്ര പാര്ട്ടിയില് ചേര്ന്ന് മത്സരിക്കാനാണ് സാധ്യത്. ചിന്താമണി മഹാരാജ് ബിജെപിയുമായുള്ള ചര്ച്ചകള് സജീവമാക്കിയിട്ടുണ്ട്.
