എന്റെ കുഞ്ഞിന്റെ പോരാട്ടം അവസാനിച്ചു; ആരും ഈ ഒരു അവസ്ഥയിലൂടെ കടന്നു പോകരുതെന്നാണ് ആഗ്രഹം: മകന്റെ മരണവാർത്ത അറിയിച്ച് ഓസ്‌ട്രേലിയൻ ക്രിക്കറ്റ് താരം

മെൽബൺ: നാല് മാസം പ്രായമായ തന്റെ കുഞ്ഞിനെ നഷ്ടമായതായി അറിയിച്ച് ഓസ്‌ട്രേലിയൻ ക്രിക്കറ്റ് താരം. തന്റെ ആൺകുഞ്ഞ് മരിച്ചതായി ക്രിക്കറ്റ് താരം ഫവാദ് അഹമ്മദാണ് അറിയിച്ചത്. നിരവധി ആരോഗ്യ പ്രശ്‌നങ്ങളാൽ മെൽബണിലെ ആശുപത്രിയിൽ ചികിത്സയിൽ കഴിയുകയായിരുന്നു കുട്ടി.

തിങ്കളാഴ്ച ഉച്ചയ്‌ക്കാണ് കുഞ്ഞ് മരിച്ച വിവരം ഫവാദ് എക്‌സിലൂടെ അറിയിച്ചത്. കുഞ്ഞിന്റെ ചിത്രങ്ങളും ഒപ്പം കുറിപ്പും അദ്ദേഹം പങ്കുവെച്ചിരുന്നു

‘എന്റെ കുഞ്ഞ് മാലാഖയെ വീണ്ടും കണ്ട് മുട്ടുന്നത് വരെ… എന്റെ കുഞ്ഞിന്റെ വേദനാജനകമായ പോരാട്ടം അവസാനിച്ചു. അവൻ ഏറ്റവും മികച്ച ഇടത്ത് തന്നെ എത്തുമെന്ന് ഞാൻ വിശ്വസിക്കുന്നു. നിന്നെ ഞങ്ങൾ ഒരുപാട് മിസ്സ് ചെയ്യും. ഇത്തരം വേദനയിലൂടെ ആരും കടന്നു പോകരുതെന്ന് ഞാൻ ആഗ്രഹിക്കുന്നു.’