തൃശൂർ: ഇരിങ്ങാലക്കുട മാർക്കറ്റ് റോഡിലെ കുഴിയിൽ വീണ് ഇരുചക്ര വാഹന യാത്രികന് ദാരുണാന്ത്യം. പുല്ലൂർ മഠത്തിക്കര സ്വദേശി മുക്കുളം മോഹനന്റെ മകൻ ബിജോയ് അണ് മരിച്ചത്. രാത്രി ജോലി കഴിഞ്ഞ് മടങ്ങവെയായിരുന്നു അപകടം.
മാർക്കറ്റ് റോഡിലെ സോപ്പ് കമ്പനിയ്ക്ക് സമീപമുള്ള കുഴിയിൽ വീണ് നിയന്ത്രണം വിട്ട് ഇരുചക്ര വാഹനം മറിയുകയായിരുന്നു. ബിജോയ് റോഡിലേക്ക് തെറിച്ചു വീഴുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
