സാമ്പാറിൽ എരിവ് കൂടിയതിന് പരാതി പറഞ്ഞു:അച്ഛനെ മകൻ കൊന്നു.

ബെംഗളൂരു. സാമ്പാറിൽ എരിവ് കൂടിയെന്ന് പരാതിപ്പെട്ടതിന് അച്ഛനെ മകൻ മരക്കൊമ്പ് കൊണ്ട് മർദ്ധിച്ചു കൊന്നു. കുടക് വി രാജ്പേട്ട് താലൂക്കിലെ നംഗലപ്പ സ്വദേശിയായ സി. കെ ചിട്ടിയപ്പ(63)യാണ് കൊല്ലപ്പെട്ടത്. സംഭവത്തിൽ ഇയാളുടെ മകൻ ദർശൻ തിമ്മയ്യയെ (38) പോലീസ് അറസ്റ്റ് ചെയ്തു.

കുടുംബ വഴക്കിനെ തുടർന്ന് മൂത്ത മകനും മരുമകളും ഏതാനും ദിവസങ്ങൾക്ക് മുമ്പ് ബന്ധു വീട്ടിലേക്ക് താമസം മാറ്റിയതിനാൽ ഇളയ മകനായ ദർശനും ചിട്ടിയപ്പയും മാത്രമായിരുന്നു വീട്ടിൽ താമസം. ദർശനാണ് ഭക്ഷണം പാകം ചെയ്തിരുന്നത്. എന്നാൽ കഴിഞ്ഞ ദിവസം രാത്രിയുണ്ടാക്കിയ സാമ്പാറിൽ എരിവ് കൂടുതലാണെന്ന് ചിട്ടിയപ്പ പരാതിപ്പെട്ടതോടെ ഇരുവരും വാക്ക് തർക്കമായി.

തർക്കത്തിനിടയിൽ ദർശൻ സമീപത്തുണ്ടായിരുന്ന മരക്കമ്പെടുത്ത് ചിട്ടിയപ്പയെ മർദ്ധിക്കുകയായിരുന്നു. കഴുത്തിലും നെഞ്ചിലുമടക്കം പരിക്കേറ്റ ചിട്ടിയപ്പയുടെ . ബോധം നഷ്ട്ടപ്പെട്ടതോടെ ദർശൻ സമീപത്തുള്ളവരെ വിവരമറിയിച്ചു. ആശുപത്രിയിലെത്തിച്ചെങ്കിലും രക്ഷിക്കാൻ കഴിഞ്ഞില്ലെന്ന് പോലീസ് പറഞ്ഞു.