‘ഒരു ഭൂമി, ഒരു കുടുംബം, ഒരേ ഭാവി എന്നിവയ്‌ക്കുള്ള പാര്‍ലമെന്റുകള്‍’: ഒമ്പതാമത് പി20 നാളെ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും

ന്യൂദല്‍ഹി: ഒമ്പതാമത് ജി20 പാര്‍ലമെന്ററി സ്പീക്കേഴ്‌സ് ഉച്ചകോടി (പി20) പ്രധാനമന്ത്രി നരേന്ദ്ര മോദി ന്യൂദല്‍ഹിയിലെ യശോഭൂമിയില്‍ 2023 ഒക്‌ടോബര്‍ 13ന് രാവിലെ 11 മണിക്ക് ഉദ്ഘാടനം ചെയ്യും. ഇന്ത്യയുടെ ജി20 അധ്യക്ഷതയുടെ വിശാലമായ ചട്ടക്കൂടിന് കീഴില്‍ ഇന്ത്യന്‍ പാര്‍ലമെന്റാണ് ഉച്ചകോടിക്ക് ആതിഥേയത്വം വഹിക്കുന്നത്.

ഇന്ത്യയുടെ ജി20 പ്രസിഡന്‍സിയുടെ പ്രമേയത്തിന് അനുസൃതമായി, 9ാമത് ജ20 ഉച്ചകോടിയുടെ വിഷയം ‘ഒരു ഭൂമി, ഒരു കുടുംബം, ഒരേ ഭാവി എന്നിവയ്‌ക്കുള്ള പാര്‍ലമെന്റുകള്‍’ എന്നതാണ്. ചടങ്ങില്‍ ജി20 അംഗങ്ങളുടെ പാര്‍ലമെന്റ് സ്പീക്കര്‍മാരും ക്ഷണിക്കപ്പെട്ട രാജ്യങ്ങളും പങ്കെടുക്കും.

2023 സെപ്റ്റംബര്‍ 910 തീയതികളില്‍ നടക്കുന്ന ന്യൂദല്‍ഹി ജി20 നേതാക്കളുടെ ഉച്ചകോടിയില്‍ ആഫ്രിക്കന്‍ യൂണിയന്‍ ജി20ല്‍ അംഗമായതിന് ശേഷം ആദ്യമായി പാന്‍ആഫ്രിക്കന്‍ പാര്‍ലമെന്റ് പി20 ഉച്ചകോടിയില്‍ പങ്കെടുക്കും.

ഈ പി20 ഉച്ചകോടിയിലെ തീമാറ്റിക് സെഷനുകള്‍ ഇനിപ്പറയുന്ന നാല് വിഷയങ്ങളില്‍ ശ്രദ്ധ കേന്ദ്രീകരിക്കും പബ്ലിക് ഡിജിറ്റല്‍ പ്ലാറ്റ്‌ഫോമുകളിലൂടെ ജനങ്ങളുടെ ജീവിതത്തില്‍ പരിവര്‍ത്തനം; സ്ത്രീകള്‍ നയിക്കുന്ന വികസനം; എസ്ഡിജികളുടെ ത്വരിതപ്പെടുത്തല്‍ ; സുസ്ഥിര ഊര്‍ജ്ജ സംക്രമണം.

പ്രകൃതിയുമായി ഇണങ്ങിയുള്ള ഹരിതവും സുസ്ഥിരവുമായ ഭാവിയിലേക്കുള്ള സംരംഭങ്ങളെ കുറിച്ച് കൂടിയാലോചിക്കുന്നതിനായി 2023 ഒക്‌ടോബര്‍ 12ന് ലൈഫ് (പരിസ്ഥിതിക്കായുള്ള ജീവിതശൈലി) സംബന്ധിച്ച ഒരു പ്രീസമ്മിറ്റ് പാര്‍ലമെന്ററി ഫോറവും നടക്കും.