ദേശീയ സിനിമാ ദിനമായ ഒക്ടോബര് 13-ന് പ്രത്യേക ഓഫര്. ആളുകള്ക്ക് 99 രൂപയ്ക്ക് ചിത്രം കാണാനുള്ള അവസരമാണൊരുങ്ങുന്നത്. മള്ട്ടി പ്ലെക്സ് ആസോസിയേഷന് ഓഫ് ഇന്ത്യയാണ് ഓഫറുമായി എത്തിയിരിക്കുന്നത്. രാജ്യത്തൊട്ടാകെയുള്ള 400-ലേറെ സ്ക്രീനുകളില് ഈ ഓഫര് ലഭ്യമാകും.
ഒക്ടോബര് 13-ന് ഏത് സമയത്തും ഓഫര് ലഭിക്കും. ബുക്കിങ് ആപ്പുകളില് 99 രൂപയ്ക്ക് പുറമേ അധിക ബുക്കിങ് ചാര്ജ് ഉണ്ടായിരിക്കും. തിയേറ്ററുകളിലെ കൗണ്ടറുകളില് 99 രൂപയ്ക്ക് ടിക്കറ്റ് എടുക്കാം. മള്ട്ടിപ്ലെക്സ് അസോസിയേഷന് കീഴിലുള്ള പിവിആര് ഐനോക്സ്, സിനിപോളിസ്, മിറാഷ്, വേവ്, എം2കെ, ഡിലൈറ്റ്, സിറ്റിെ്രെപഡ്, ഏഷ്യന്, മുക്ത എ 2, മൂവി ടൈം തുടങ്ങിയ മള്ട്ടിപ്ലെക്സ് ശൃംഖലകളിലാണ് ഓഫര് ലഭ്യമാവുക.
ബുക്ക്മൈഷോ, പേടിഎം തുടങ്ങിയ സിനിമ ബുക്കിങ് ആപ്പുകളില് ഓഫര് തുകയ്ക്ക് ടിക്കറ്റ് ലഭ്യമായിത്തുടങ്ങിയിട്ടുണ്ട്. എന്നാല് ഐമാക്സ്, 4ഡിഎക്സ്, റിക്ലൈനര് തുടങ്ങിയ പ്രീമിയം വിഭാ?ഗങ്ങള്ക്ക് ഓഫര് ലഭ്യമല്ല. തമിഴ്നാട്, തെലങ്കാന, ആന്ധ്രപ്രദേശ് എന്നിവിടങ്ങളില് ഓഫര് ലഭ്യമല്ലെന്നും വിവരങ്ങളുണ്ട്.
