തിരുവനന്തപുരം: ഇന്ത്യയുടെ വികസനകുതിപ്പ് യാദൃശ്ചികമല്ലെന്നും പ്രധാനമന്ത്രി നരേന്ദ്രമോദിയുടെ ഇച്ഛാശക്തിയോടെയുള്ള ഭരണത്തിന്റെ പ്രതിഫലനമാണെന്നും കേന്ദ്രമന്ത്രി വി. മുരളീധരന്.
അടിസ്ഥാനസൗകര്യവികസനം, ഉല്പാദനമേഖല, മനുഷ്യവിഭവശേഷിയുടെ പ്രയോജനപ്പെടുത്തല് ഈ മൂന്ന് മേഖലകളിലും വിപ്ലവകരമായ മാറ്റത്തിനാണ് രാജ്യം സാക്ഷ്യം വഹിക്കുന്നത്.
അതിവേഗം ഭാരതം വികസിത രാജ്യങ്ങളുടെ പട്ടികയിലേക്ക് ഉയര്ന്നുകൊണ്ടിരിക്കുകയാണെന്നും വി.മുരളീധരന് പറഞ്ഞു. പാറശാല ഭാരതീയ വിദ്യാപീഠത്തില് ബിജെപി സംഘടിപ്പിച്ച പഠനശിബിരത്തില് സംസാരിക്കുകയായിരുന്നു കേന്ദ്രമന്ത്രി.
അടിസ്ഥാന സൗകര്യവികസനത്തില് പത്ത് വര്ഷത്തിനിടെ കോടിക്കണക്കിന് രൂപയുടെ നിക്ഷേപം രാജ്യം കണ്ടു. പതിറ്റാണ്ടുകളായി മുടങ്ങിക്കിടന്ന അടിസ്ഥാനസൗകര്യ വികസന പദ്ധതികളുടെ പൂര്ത്തീകരണവും പുതിയവ ആരംഭിക്കുന്നതും വഴി വലിയ വികസനമുണ്ടായി.
പ്രതിദിനം 37 കിലോമീറ്റര് ഹൈവേയുടെ നിര്മാണം ഇന്ന് രാജ്യത്ത് നടക്കുന്നുണ്ടെന്നും കേന്ദ്രമന്ത്രി പറഞ്ഞു. പ്രതിരോധമേഖലയിലും ഓട്ടോ മൊബൈല് മേഖലയിലും ങടങഋ സെക്ടറിലുമടക്കം ഉത്പാദനരംഗത്ത് വലിയ മാറ്റങ്ങള് ഉണ്ടായി.
മേക്ക് ഇന് ഇന്ത്യ, സ്കില് ഇന്ത്യ, ഡിജിറ്റല് ഇന്ത്യ, സ്റ്റാര്ട്ട്അപ്പ് ഇന്ത്യ പദ്ധതികള് രാജ്യം കണ്ടു. ആത്മനിര്ഭരതയിലേക്കുള്ള യാത്രയില് ചെറുകിട സംരഭ മേഖല ഇന്ന് സുപ്രധാന പങ്ക് വഹിക്കുന്നുവെന്നും വി.മുരളീധരന് കൂട്ടിച്ചേര്ത്തു.
നമ്മുടെ രാജ്യം ലോകത്തെ ഹ്യൂമന് റിസോഴ്സസിന്റെ തലസ്ഥാനമായി മാറണം എന്ന ആഗ്രഹിക്കുന്ന പ്രധാനമന്ത്രിയാണ് രാജ്യം ഭരിക്കുന്നത്. മനുഷ്യവിഭവശേഷി പല മേഖലകളില് പരമാവധി പ്രയോജനപ്പെടുത്തുന്നതാണ് രാജ്യം കാണുന്നതെന്നും വി.മുരളീധരന് പറഞ്ഞു. നരേന്ദ്രമോദി സര്ക്കാരിലൂടെ ഭാരതത്തിലുണ്ടായ പരിവര്ത്തനം എന്ന വിഷയത്തില് സംസാരിക്കുകയായിരുന്നു മന്ത്രി
